राजगुरुनगर : खेड तालुक्यातील शिरोली–पाईट रस्त्यावरील कुरकुंडी फाटा येथे शुक्रवारी (दि. २३) सकाळी आठच्या सुमारास महाविद्यालयात जाण्यासाठी एसटी बसची वाट पाहणाऱ्या विद्यार्थ्यांच्या घोळक्याला चारचाकी वाहनाने जोरदार धडक दिली. या भीषण अपघातात आदिती नवनाथ राळे या विद्यार्थिनीचा उपचारादरम्यान मृत्यू झाला, तर अनेक विद्यार्थी गंभीर जखमी झाले. जखमींना राजगुरुनगर येथील खासगी रुग्णालयात दाखल करण्यात आले आहे.