Toyota Fortuner Leader Edition : टोयोटाने भारतात आपल्या लोकप्रिय Fortuner SUV चे नवीन 2026 Fortuner Leader Edition सादर केले आहे. या नव्या एडिशनमध्ये SUV च्या लूकमध्ये बदल करण्यासोबतच काही नवीन सुविधा देण्यात आल्या आहेत. या गाडीची सुरुवातीची एक्स-शोरूम किंमत 36.51 लाख रुपये आहे. बुकिंग 12 ऑक्टोबर 2026 पासून सुरू होणार आहे.

लूकमध्ये मोठे बदल

Fortuner Leader Edition मध्ये मेकॅनिकल बदलांपेक्षा डिझाइनवर अधिक भर देण्यात आला आहे. यात बदललेली फ्रंट ग्रिल, ग्लॉस-ब्लॅक अलॉय व्हील्स, ब्लॅक रिअर डोअर गार्निश आणि ब्लॅक फिनिश अँटेना देण्यात आला आहे. याशिवाय ब्लॅक रूफ आणि बॉडी-साइड मोल्डिंग्सही आहेत. खास बोनट एम्बलममुळे या एडिशनला वेगळी ओळख मिळते.

केबिनमध्येही नवे फीचर्स

गाडीच्या आत ब्लॅक आणि मरून रंगाचे अपहोल्स्ट्री देण्यात आले आहे. तसेच अॅम्बियंट लाइटिंग आणि इल्यूमिनेटेड स्कफ प्लेट्स मिळतात. ऑटो-फोल्डिंग बाहेरील रिअर-व्ह्यू मिरर्स आणि टायर प्रेशर मॉनिटरिंग सिस्टम (TPMS) यांसारख्या सुविधाही देण्यात आल्या आहेत.

किंमत आणि वेरिएंट

Fortuner Leader Edition च्या 4×2 मॅन्युअल वेरिएंटची किंमत 36.51 लाख रुपये, तर 4×2 ऑटोमॅटिक वेरिएंटची किंमत 38.72 लाख रुपये आहे. म्हणजेच ऑटोमॅटिक वेरिएंट मॅन्युअलपेक्षा 2.21 लाख रुपये महाग आहे. दोन्ही वेरिएंटमध्ये 4×2 रिअर-व्हील ड्राइव्ह देण्यात आला आहे. या एडिशनमध्ये सध्या 4×4 पर्याय नाही.

तीन रंगांचा पर्याय

Toyota Fortuner Leader Edition सुपर व्हाइट, प्लॅटिनम व्हाइट पर्ल आणि अॅटिट्यूड ब्लॅक या तीन रंगांत उपलब्ध असेल. कंपनीने इंजिन, गिअरबॉक्स किंवा परफॉर्मन्समध्ये कोणताही बदल केल्याची माहिती दिलेली नाही.

वारंटी आणि रोडसाइड असिस्टन्स

कंपनीच्या मालकीच्या पॅकेजमध्ये पाच वर्षांची मोफत रोडसाइड असिस्टन्स आणि तीन वर्षे किंवा 1 लाख किलोमीटरची स्टँडर्ड वॉरंटी मिळते. तसेच पाच वर्षे किंवा 2.20 लाख किलोमीटरपर्यंतची एक्स्टेंडेड वॉरंटी घेण्याचा पर्याय आहे. कंपनी सात वर्षांपर्यंतच्या फायनान्स पर्यायांसह ‘स्मार्ट बॅलून फायनान्स’ योजना देत आहे.