Parth Pawar : सध्या राष्ट्रवादी काँग्रेस पक्षात अंतर्गत कलह निर्माण झाल्याची जोरदार चर्चा राजकीय वर्तुळात रंगली आहे. या सगळ्यात काल रात्री एक महत्वाची घडामोड घडली आहे.

राष्ट्रवादी काँग्रेस पक्षाचे नेते राज्यसभा खासदार पार्थ पवार यांनी मुख्यमंत्री देवेंद्र फडणवीस यांची वर्षा निवासस्थानी जाऊन भेट घेतली असल्याची माहिती समोर आली आहे.

ही भेट रात्री १० वाजता घेण्यात आल्याचे कळते. राष्ट्रवादी काँग्रेस पक्षात सुरू असलेल्या अंतर्गत कलहाच्या पार्श्वभूमीवर पार्थ पवारांने घेतलेली मुख्यमंत्र्यांची भेट चर्चेचा विषय ठरत आहे.

या भेटीमागचे कारण समोर आले नसली तरी राष्ट्रवादी काँग्रेस पक्षात अंतर्गत वाद सुरू असलेल्या पार्श्वभूमीवर ही भेट झाली असल्याची सूत्रांची माहिती आहे.

खरंतर राष्ट्रवादी काँग्रेस पक्षाचे प्रदेशाध्यक्ष सुनील तटकरे आणि कार्याध्यक्ष प्रफुल पटेल यांना पक्षातून डावलले जात असल्याचे सांगितले जात आहे. तशा घडामोडी घडल्याने या चर्चा होत आहेत. राष्ट्रवादी काँग्रेस पक्षातील हे दोन्ही नेते आणि त्यांची पदे महत्वाचीअसून, त्यांनाच पक्षातून डावलले जात असल्याने विविध तर्क वितर्कांना उधाण आले आहे.

खरंतर आसाम दौऱ्यावरुन परतल्यानंतर राष्ट्रवादी काँग्रेस पक्षाचे नेते सुनील तटकरे यांनी शरद पवारांची भेट घेतली. ही भेट राजकीय नसून त्यांच्या प्रकृती कारणास्तव घेत त्यांच्या तब्येतीची विचारपूस केल्याचे स्पष्टीकरण सुनील तटकरे यांनी दिले. या भेटी अगोदर शरद पवारांची प्रफुल्ल पटेल यांनी देखील भेट घेतल्याची माहिती माध्यमांनी दिली होती. त्यामुळे राष्ट्रवादीत नेमकं चाललयं तरी काय असा प्रश्न विचारला जात आहे.

आता पार्थ पवार आणि देवेंद्र फडणवीसांच्या भेटीनंतर राष्ट्रवादी काँग्रेसच्या गोटात काहीतरी मोठं घडणार असल्याच्या चर्चांना उधाण आले आहे.

शरद पवारांकडून कौतुकाचे उद्दार 

ज्येष्ठ नेते शरद पवारांची तटकरेंनी भेट घेतल्यानंतर एक पत्रकार परिषद घेतली होती. त्यामध्ये शरद पवार यांनी सुनील तटकरे आणि प्रफुल पटेल यांचा राजकीय अनुभव कसा मोठा आहे, हे सांगत एकप्रकारे त्यांचे कौतुक केले होते. अशातच आता पार्थ पवार यांनी फडणवीस यांची भेट घेतल्याने राष्ट्रवादी काँग्रेसच्या गोटात पुढे काय घडणार, याकडे अनेकांचे लक्ष लागलेले आहे.

हेही वाचा : ChatGPT: आता एआय ठेवणार तुमच्या खर्चावर लक्ष! बँक अकाउंट जोडा आणि मिळवा संपूर्ण आर्थिक रिपोर्ट