Maharashtra Weather Update : राज्यात एकीकडे पावसाने पाठ फिरवल्याने शेतकरी दुष्काळाच्या संकटाचा सामना करत असताना दुसरीकडे परतीच्या पावसासाठी पोषक वातावरण तयार होत असल्याची माहिती समोर आली आहे.

भारतीय हवामान विभागाने राज्यातील काही भागांसाठी पावसाचा अंदाज वर्तवला आहे. राज्य सरकारने यापूर्वीच २६५ तालुक्यांमध्ये कोरडा दुष्काळ जाहीर करून शेतकऱ्यांसाठी मदतीच्या उपाययोजनांची घोषणा केली आहे. सध्याच्या दुष्काळी परिस्थितीमागे एल निनोचा प्रभाव असल्याचे सांगितले जात आहे.

दरम्यान, परतीच्या पावसासाठी पोषक वातावरण निर्माण झाले असून, कोकण आणि पश्चिम महाराष्ट्रातील काही भागांत विजांच्या कडकडाटासह पाऊस होण्याची शक्यता आहे. दुसरीकडे राज्यातील काही भागांत पुन्हा उन्हाचा चटका वाढण्याचा अंदाज देखील वर्तवण्यात आला आहे.

पुण्यात यंदा पावसाचा अनोखा पॅटर्न

पुणे शहरात यंदाच्या मान्सूनमध्ये पावसाचा वेगळाच पॅटर्न पाहायला मिळाला. जून आणि सप्टेंबर हे महिने तुलनेने कोरडे गेले असले तरी जुलै महिन्यात झालेल्या मुसळधार पावसामुळे शहरात आतापर्यंत ७३६.६ मिमी पावसाची नोंद झाली आहे.

जुलै महिन्यात तब्बल ५०८ मिमी पाऊस झाला, तर ऑगस्टच्या पहिल्या दोन आठवड्यांतही जोरदार पावसाची नोंद झाली. त्यामुळे पुण्यात सरासरीपेक्षा सुमारे २० टक्के अधिक पाऊस झाला आहे. ऑक्टोबरच्या सुरुवातीलाच मात्र शहरात उन्हाचा चटका जाणवू लागला आहे.

‘या’ भागांत पावसाची शक्यता

रत्नागिरी, रायगड, सिंधुदुर्ग, पुणे, सातारा, सोलापूर आणि सांगली या जिल्ह्यांतील काही भागांत विजांच्या कडकडाटासह पाऊस होण्याची शक्यता आहे. याशिवाय विदर्भ आणि मराठवाड्यातील काही भागांतही हलका पाऊस पडण्याचा अंदाज आहे.

दरम्यान, हवामानातील या बदलामुळे शेतकऱ्यांना काहीसा दिलासा मिळण्याची शक्यता असली तरी, पावसाचे प्रमाण आणि त्याचा प्रत्यक्ष परिणाम पुढील काही दिवसांत स्पष्ट होणार आहे.

Swara Bhaskar : मद्यधुंद अवस्थेत दिग्दर्शकाने दार ठोठावलं; मध्यरात्री केली विचित्र मागणी, स्वरा भास्करने सांगितला धक्कादायक प्रसंग