Jaya Bachchan :  मुख्य निवडणूक आयुक्त ज्ञानेश कुमार यांनी राजीनामा द्यावा, या मागणीसाठी दिल्लीत मंगळवारी ‘इंडिया’ आघाडीच्या खासदारांनी जोरदार निदर्शने केले. या आंदोलनात जया बच्चन यांनीही समाजवादी पार्टीतर्फे सहभाग घेतला होता. या आंदोलनादरम्यानचा जया बच्चन यांचा एक व्हिडिओ व्हायरल होत आहे. या व्हिडीओत जया बच्चन यांना एका न्यूज चॅनेलमधील पत्रकाराने प्रश्न विचारला, मात्र त्यांनी केलेल्या कृतीमुळे जया बच्चन यांच्यावर टीका केली जात आहे.

व्हिडीओमध्ये दिसते की, आंदोलनादरम्यान एका पत्रकाराने जया बच्चन यांना प्रश्न विचारला. तेव्हा त्यांनी पत्रकारासोबत बोलण्यास नकार दिला आणि थेट माईकला मागे ढकलले. त्यांच्या चेहऱ्यावर नाराजी स्पष्टपणे दिसत आहे. जया बच्चन यांचा हा व्हिडीओ सोशल मीडियात व्हायरल झाला आहे. या व्हिडीओवरुन भाजप खासदार आणि अभिनेत्री कंगना रणावत यांनी प्रतिक्रिया दिली आहे.

कंगनाने व्हायरल व्हिडीओवर प्रतिक्रिया देत म्हटलं की, ‘जेव्हा तुम्ही संपूर्ण जगासमोर आपला मुद्दा मांडण्यासाठी आंदोलनाला बसता, पण जेव्हा तुम्हाला तुमचे प्रश्न, मागणी आणि मुद्दा विचारला जातो, तेव्हा जया बच्चन यांचं उत्तर (नहीं बताऊंगी) मी सांगणार नाही, असं असतं’. असं म्हणत कंगनाने या पोस्टवर लाफिंग इमोजी शेअर केला आहे.

जया बच्चन यांनी याआधी देखील पापाराझींना वारंवार फटकारले आहे. ज्याचे व्हिडिओ देखील सोशल मिडियावर व्हायरल झाले होते. मात्र आता त्यांनी थेट पत्रकाराचा माईक ढकलून दिल्याने त्यांच्यावर पुन्हा एकदा मोठ्या प्रमाणात टिका होत आहे.

हेही वाचा : 

Pune District : सोमेश्‍वरच्या शिवारात जगतापांपुढे आव्हान