BJP OBC Morcha : भाजपकडून ओबीसी मोर्चाची राष्ट्रीय कार्यकारिणी जाहीर! महाराष्ट्रातून ‘या’ चार नेत्यांना संधी
BJP OBC Morcha : या नव्या कार्यकारिणीत अनेक नेत्यांवर महत्त्वाची जबाबदारी सोपवण्यात आली असून, महाराष्ट्रातील चार नेत्यांनाही संधी देण्यात आली आहे.

BJP OBC Morcha : भारतीय जनता पक्षाने ओबीसी मोर्चाच्या राष्ट्रीय पदाधिकाऱ्यांच्या नव्या नियुक्त्या जाहीर केल्या आहेत. पक्षाचे राष्ट्रीय अध्यक्ष नितीन नवीन यांच्या सूचनेनुसार या नियुक्त्या करण्यात आल्याची माहिती आहे.
या नव्या कार्यकारिणीत अनेक नेत्यांवर महत्त्वाची जबाबदारी सोपवण्यात आली असून, महाराष्ट्रातील चार नेत्यांनाही संधी देण्यात आली आहे. मात्र, या नियुक्त्यांमध्ये क्रिकेटपटू युझवेंद्र चहल याच्या नावाची विशेष चर्चा रंगली आहे.
भाजपने ओबीसी मोर्चासाठी सात नवीन राष्ट्रीय सचिवांसह विविध पदाधिकाऱ्यांच्या नावांची घोषणा केली आहे. नव्या राष्ट्रीय कार्यकारिणीत एकूण ३७ राष्ट्रीय कार्यकारी समिती सदस्यांची नियुक्ती करण्यात आली आहे.
महाराष्ट्रातील चार नेत्यांना संधी
भाजप ओबीसी मोर्चाच्या नव्या राष्ट्रीय कार्यकारिणीत महाराष्ट्रातील चार नेत्यांचा समावेश करण्यात आला आहे. बबनराव चौधरी यांची राष्ट्रीय उपाध्यक्षपदी नियुक्ती करण्यात आली आहे. तर राहुल केंद्रे यांच्यावर राष्ट्रीय कार्यसमिती सदस्यपदाची जबाबदारी सोपवण्यात आली आहे.
भारतीय जनता पार्टी के राष्ट्रीय अध्यक्ष श्री @NitinNabin द्वारा निम्नलिखित सदस्यों को भाजपा ओबीसी (अन्य पिछड़ा वर्ग) मोर्चा के राष्ट्रीय पदाधिकारी, राष्ट्रीय कार्यकारिणी सदस्य एवं अन्य दायित्वों पर नियुक्त किया गया है। https://t.co/eA7HqyuxgC
— BJP (@BJP4India) November 21, 2026
याशिवाय मुंबईतील हर्षदा फरांदे आणि स्मिता काळे यांचीही राष्ट्रीय कार्यकारिणी सदस्यपदी निवड करण्यात आली आहे. त्यामुळे भाजपच्या ओबीसी मोर्चात महाराष्ट्राचे प्रतिनिधित्व वाढले आहे.
क्रिकेटपटू युझवेंद्र चहललाही महत्त्वाचे स्थान
या नियुक्त्यांमध्ये सर्वाधिक लक्ष वेधून घेतले ते क्रिकेटपटू युझवेंद्र चहल याच्या नावाने. त्यांची भाजप ओबीसी मोर्चाच्या राष्ट्रीय कार्यकारिणीत विशेष निमंत्रित सदस्य म्हणून नियुक्ती करण्यात आली आहे. त्यामुळे राजकीय आणि क्रीडा वर्तुळात या नियुक्तीची चर्चा सुरू झाली आहे.
एकीकडे भाजपने राष्ट्रीय स्तरावर संघटनात्मक बदल केले आहेत, तर दुसरीकडे महाराष्ट्रातील नेत्यांनाही महत्त्वाच्या जबाबदाऱ्या दिल्या आहेत. त्यामुळे आगामी काळात भाजपच्या ओबीसी मोर्चाच्या संघटनात्मक कामकाजाला या नव्या नियुक्त्यांमुळे कोणती दिशा मिळते, याकडे राजकीय वर्तुळाचे लक्ष लागले आहे.





