Delhi Gangrape Case: देशाची राजधानी दिल्ली पुन्हा एकदा हादरून गेली आहे. दिल्लीच्या राणी बाग परिसरात एक लाजिरवाणी घटना घडली आहे. धावत्या स्लीपर बसमध्ये एका ३० वर्षीय महिलेवर सामूहिक बलात्कार झाल्याची धक्कादायक घटना घडली आहे.

पोलिसांच्या माहितीनुसार, ही घटना १२ मे रोजी घडली आहे. पीडितची तक्रार मिळाल्यानंतर पोलिसांनी तातडीने कारवाई करत गुन्हा दाखल केला आणि तपास सुरू केला. या प्रकरणी बसचा ड्रायव्हर आणि कंडक्टर या दोघांना अटक करण्यात आली आहे.  (Delhi Gangrape Case)

पीडितेने पोलिसांना दिलेल्या माहितीनुसार, ती रात्री उशिरा कामावरून घरी परतत होती. तिने रस्त्याच्या कडेला उभ्या असलेल्या एका तरुणाला वेळ विचारली, पण  त्या तरुणाने तिला जबरदस्तीने बसमध्ये ओढले. बसमध्ये आधीच इतर अनेक लोक होते. त्यानंतर धावत्या बसमध्ये तिच्यावर जवळपास दोन तास निर्घृणपणे अत्याचार करण्यात आले.

पीडितेने सांगितले की, घटनेदरम्यान बस नांगलोईला पोहोचेपर्यंत परिसरात फिरत राहिली. ती मदतीसाठी ओरडत राहिली, पण आरोपींनी तिच्याकडे दुर्लक्ष केले. त्यांनी तिच्यावर अत्याचारही केले. सुमारे दोन तासांनंतर, आरोपी तिला रस्त्यावर जखमी अवस्थेत सोडून पळून गेले. कसेबसे, त्या महिलेने स्वतःला सावरले आणि पोलिसांना या घटनेची माहिती दिली.

#WATCH | Delhi: The police have registered a case of the alleged gangrape of a woman on a private bus in Delhi. The police have arrested both accused individuals and also seized the bus used in the incident.

(Visuals of the bus seized by the police) pic.twitter.com/DFT2toJ5mL

— ANI (@ANI) May 14, 2026

दिल्ली पोलिसांनी ती खासगी बस ताब्यात घेतली आहे, ज्यामध्ये महिलेसोबत सामूहिक बलात्काराची घटना घडल्याचा आरोप आहे. तपासात मदत होईल असे पुरावे गोळा करण्यासाठी पोलीस आता बसची फॉरेन्सिक तपासणी करत आहेत.

अधिकाऱ्यांच्या माहितीनुसार, बसच्या आतून आवश्यक नमुने घेण्यात आले असून तांत्रिक पथक संपूर्ण वाहनाची बारकाईने तपासणी करत आहे. यासोबतच बसमधील आणि रस्त्यावरील सीसीटीव्ही कॅमेऱ्यांचे फुटेजही तपासले जात आहे. घटनेच्या वेळी बस नेमकी कुठे-कुठे गेली होती, याचा शोध घेण्याचा पोलीस प्रयत्न करत आहेत.

वैद्यकीय तपासणीत अत्याचाराची पुष्टी   (Delhi Gangrape Case)

माहिती मिळताच, पोलीस घटनास्थळी दाखल झाले आणि महिलेला रुग्णालयात नेण्यात आले. वैद्यकीय तपासणीत बलात्काराची पुष्टी झाली. पोलिसांनी या घटनेत वापरलेली स्लीपर बस जप्त केली आहे.

आरोपीला ओळखण्यासाठी परिसरातील सीसीटीव्ही फुटेजचीही तपासणी केली जात आहे. पोलिसांनी सांगितले की, आरोपीच्या शोधासाठी अनेक पथके तैनात करण्यात आली असून लवकरच अटक केली जाईल.

रुग्णालयात दाखल होण्यास नकार   (Delhi Gangrape Case)

पीडित महिला पीतमपुरामधील  झोपडपट्टीत राहते आणि मंगोलपुरी येथील एका कारखान्यात काम करते. तिने पोलिसांना सांगितले की, तिचा पती आजारी आहे आणि घराची संपूर्ण जबाबदारी तिच्यावर आहे. तिला तीन लहान मुली आहेत. याच कारणामुळे तिने रुग्णालयात दाखल होण्यास नकार दिला. तिने सांगितले की, जर ती कामावर गेली नाही, तर घर चालवणे कठीण होईल.