New Bike Launches in 2024: वर्ष 2024 मध्ये अनेक शानदार बाइक्स बाजारात आल्या आहेत. कमी किंमतीत एकापेक्षा एक जबरदस्त फीचर्ससह येणाऱ्या बाइक्स यावर्षी कंपन्यांनी लाँच केल्या आहेत. तुम्ही देखील नवीन बाइक खरेदी करण्याचा विचार करत असाल तर ही चांगली संधी आहे. नवीन वर्षाच्या निमित्ताने या बाइक्सवर ऑफर्सचा देखील लाभ मिळेल. वर्ष 2024 मध्ये लाँच झालेल्या अशाच टॉप-5 बातम्यांविषयी जाणून घेऊया.

Royal Enfield Goan Classic 350: रेट्रो लुकसह येणाऱ्या या बाइकमध्ये सिंगल सीट देण्यात आलेली आहे. नवीन Royal Enfield Goan Classic 350 ची एक्स-शोरूम किंमत 2.35 लाख रुपयांपासून सुरू होते. या बाइकमध्ये 349सीसीचे सिंगल-सिलेंडर एअर-कूल्ड इंजिन देण्यात आले आहे. हे इंजिन 20बीएचपी पॉवर आणि 27एनएम टॉर्क जनरेट करते. यात डिस्क ब्रेकसह ड्युअल चॅनल अँटी लॉक ब्रेकिंग सिस्टमची (एबीएस) सुविधा मिळेल.

Bajaj Pulsar N125: बजाज प्लसरने भारतीय बाजारात एक वेगळे स्थान निर्माण केले आहे. ग्राहकांची मागणी पाहता कंपनीने या बाइकला खूपच कमी किंमतीत लाँच केले आहे. 124.58सीसी सिंगल सिलेंडर इंजिनसह येणाऱ्या बाइकची सुरुवाती एक्स-शोरूम किंमत 94,707 रुपये आहे.

Bajaj Freedom CNG: ही जगातील पहिली सीएनजी बाइक असून, याची सुरुवाती एक्स शोरूम सीएनजी किंमत 90 हजार रुपये आहे. ही बाइक पेट्रोल आणि सीएनजी दोन्हीवर धावते. बजाज फ्रीडम 125 सीएनजी बाइकमध्ये 125सीसी सिंगल सिलेंडर इंजिन देण्यात आले हे.हे इंजिन 9.5 PS पॉवर आणि 9.7 Nm टॉर्क जनरेट करते. बाइक सीएनजीवर 102 किमी प्रति किलोग्रॅम आणि पेट्रोलवर 64 किमी प्रति लीटर मायलेज देते.

Jawa 42 FJ: या बाइकची एक्स-शोरूम किंमत 1.99 लाख रुपये आहे. या रेट्रो स्टाइल बाइकमध्ये 334सीसी, लिक्विड-कूल्ड, सिंगल-सिलेंडर इंजिन देण्यात आले आहे. हे इंजिन स्लिप-अँड-असिस्ट क्लचसह 6 स्पीड गिअरबॉक्ससोबत येते.

Triumph Speed T4: ट्रायम्फच्या या बाइकची एक्स-शोरूम किंमत 2.17 लाख रुपये आहे. या बाइकमध्ये 398 सीसी सिंगल-सिलेंडर, लिक्विड-कूल्ड मोटर देण्यात आली असून, हे 30.6 बीएचपी पॉवर आणि 36 एनएम पीक टॉर्क जनरेट करते. यासोबत 6-स्पीड गिअरबॉक्स देण्यात आले आहे.