अजित पवार गटाला मोठा धक्का ? Top 10 News : भाजप शरद पवार गटानंतर आता अजित पवार गटाला मोठा धक्का देण्याच्या तयारीत आहे. खेडचे माजी आमदार दिलीप मोहिते पाटील हे भाजपमध्ये प्रवेश करणार असल्याची शक्यता आहे. दिलीप मोहिते पाटील हे अजित पवार याचे कट्टर समर्थक मानले जातात. आमदार दिलीप मोहिते पाटील यांनी पुण्यात भाजपा प्रदेशाध्यक्ष रवींद्र चव्हाणांची भेट घेत जवळपास एक तास प्रदीर्घ चर्चा केली. पुरंदरचे माजी आमदार संजय जगताप यांच्या कार्यक्रमात चव्हाण नियोजित वेळेपूर्वी पोहोचले होते, त्यावेळीच ही भेट झाल्याची माहिती समोर आली आहे. पुण्यात झालेल्या या बंद दरवाजाआड बैठकीमुळे राजकीय वर्तुळात चर्चांना उधाण आले आहे. शिंदेंच्या शिवसेनेत मोठा उलटफेर होणार (Top 10 News) बारामती विधानसभा आणि राहुरी विधानसभा पोटनिवडणुकांमुळे राजकीय वातवारण तापले आहे. त्याचदरम्यान एकनाथ शिंदेंच्या नेतृत्वातील शिवसेनेत मोठ्या घडामोडी घडत आहेत. काही दिवसांपूर्वीच संपर्कप्रमुखांच्या नावांची घोषणा केली होती, आता पक्षात उलटफेर केला जाणार आहे. यात अनेकांचा पत्ता कट होण्याची शक्यता आहे. पक्षश्रेष्ठी मंत्री आणि पदाधिकाऱ्याच्या कामावार लक्ष ठेवणार आहे, त्यामुळे पक्षातील नेत्यांमध्ये धाकधूक वाढली आहे. एकनाथ शिंदे शिवसेनेत मोठे संघटनात्मक बदल करणार आहेत.निष्क्रीय आणि काम नं करणाऱ्या पदाधिकाऱ्यांना थेट पदावरून हटवलं जाणार आहे. त्या पार्श्वभूमीवर राज्यभरातील प्रमुख पदाधिकाऱ्यांच प्रगती पुस्तक 15 दिवसात तयार करण्यात येणार आहे. सर्व मंत्र्यांच्या कामगिरीवरही लक्ष ठेवलं जातंय. हर्षवर्धन सपकाळांना सुनेत्रा पवारांचा पुन्हा फोन अजित पवारांच्या निधनानंतर बारामती पोटनिवडूक जाहीर झाली. त्यासाठी राष्ट्रवादीकडून सुनेत्रा पवार यांनी उमेदवारी अर्ज दाखल केला आहे. तर दुसरीकडे काँग्रेसनेही आकाश मोरे यांना उमेदवारी दिली आहे. आज अर्ज मागे घेण्याचा शेवटचा दिवस आहे. अजितदादांच्या पश्चात होणारी निवडणूक ही बिनविरोध व्हावी यासाठी राष्ट्रवादी आणि महायुतीकडून प्रयत्न केले जात आहेत. ही जागा महाविकास आघाडीमधील शरद पवारांच्या राष्ट्रवादीकडे होती. परंतु शरद पवारांच्या पक्षाने उमेदवार न दिल्याने काँग्रेसने या ठिकाणी उमेदवार उभा केला आहे. त्यामुळे राज्याच्या उपमुख्यमंत्री सुनेत्रा पवार यांनी पुन्हा एकदा काँग्रेसचे प्रदेशाध्यक्ष हर्षवर्धन सपकाळांना फोन केला. काँग्रेसने उमेदवारी मागे घ्यावी आणि बारामतीची निवडणूक बिनविरोध करावी अशी विनंती सुनेत्रा पवारांनी सपकाळांकडे केली असल्याची माहिती आहे. त्यामुळे काँग्रेस आता काय निर्णय घेणार याकडे सर्वांचं लक्ष लागलंय. खरातच्या कार्यलयातुन महत्वाचे पुरावे जप्त नाशिकमधील भोंदूबाबा अशोक खरात याची सध्या एसआयटीकडून चौकशी सुरु आहे. या चौकशीतून अनेक हादरवणारी माहिती समोर आली. अशोक खरातला आज पुन्हा नाशिक सत्र न्यायालयात हजर करणार आहेत. त्याआधी एसआयटीकडून अशोक खरातच्या कार्यलयात तपास केला. यावेळी एसआयटीने अशोक खरातच्या ओकस प्रॉपर्टी कार्यालयातून महत्वाचे पुरावे जप्त केले आहेत. अशोक खरातच्या ओकस प्रॉपर्टी कार्यालयातून एका डब्यातून 22 रुद्राक्ष, इंग्रजीत A टू Z पर्यंत अक्षरं आणि 1 ते 26 अंक लिहिलेली पट्टी, शिवनिका संस्थानचे कोरे पावती पुस्तक, भिंग काच आणि हिरव्या मळकट रंगाचे पातळ द्रव्य असलेली बाटली एसआयटीने जप्त केली आहे. तीन राज्यात आज विधानसभेसाठी मतदान Top 10 News केरळ, आसाम तसेच पुदुच्चेरी विधानसभेसाठी दि. ९ एप्रिल रोजी मतदान होत आहे. या तीनही ठिकाणी विधानसभेसाठी एकूण २९६ जागा असून, एकाच टप्प्यात हे मतदान होईल. केरळमध्ये सत्तारूढ डावी लोकशाही आघाडी विरोधात काँग्रेसच्या नेतृत्वाखाली संयुक्त लोकशाही आघाडी असा सामना आहे. आसाममध्ये विधानसभेच्या १२६ जागा असून, भाजप हॅट्ट्रिकच्या प्रयत्नात आहे. येथे भाजपप्रणीत राष्ट्रीय लोकशाही विरुद्ध काँग्रेसच्या नेतृ्त्वाखालील आघाडी असा सामना आहे. केंद्र शासित प्रदेश पुदुच्चेरीत ३० जागांसाठी गुरुवारीच मतदान होत आहे. येथे एआयएनआरसीच्या नेतृत्वाखाली राष्ट्रीय लोकशाही आघाडी विरोधात इंडिया आघाडीतून काँग्रेस सर्वाधिक १६ जागा लढवत आहेत. या आघाडीत द्रमुकचाही समावेश आहे. एकूण २९४ उमेदवार रिंगणात आहेत.त्यामुळं आज मतदार राजा या सगळ्याच भविष्य ईव्हीएममध्ये कैद करणार आहे. इस्रायलचे लेबनॉनवर हल्ले, 254 नागरिकांचा मृत्यू अमेरिका आणि इराण यांच्यात शस्त्रसंधी झाल्यानंतर इस्त्रायलनं मात्र आक्रमक भूमिका कायम ठेवली. इस्त्रायलनं लेबनॉनवर जोरदार हल्ले केले आहेत. या हल्ल्यात 254 लोकांचा मृत्यू झाल्याची माहिती दिली आहे. तर, 1165 पेक्षा अधिक लोक गंभीर जखमी झाले आहेत. इस्त्रायलकडून लेबनॉनची राजधानी बैरूतवर दिवसभर हल्ले करण्यात आले. या हल्ल्याच्या भीषणतेची दृष्येदेखील समोर येत आहे. इस्त्रायलकडून लेबनॉनवर सुरू असलेल्या हल्ल्यांमुळे इराण आक्रमक झाला आहे. इराणने या कारवायांवर तीव्र नाराजी व्यक्त करत थेट इशाराच दिला आहे. तसेच, लेबनॉनमध्ये युद्धविराम झाल्याशिवाय इराण अमेरिकेसोबत होणाऱ्या इस्लामाबादमधील चर्चेत सहभागी होणार नसल्याचंही स्पष्ट केलं आहे. इराणच्या हवाई क्षेत्रात शत्रू देशांच्या विमानांनी प्रवेश केल्यास ते युद्धविरामाचं उल्लंघन मानलं जाईल, असा इशारा इराणनं अमेरिकेला दिला आहे. पाकिस्तानला अमेरिकेने तोंडघशी पाडले pakistan अमेरिका आणि इराण यांच्यातील युद्ध अखेर 40 व्या दिवशी दोन आठवड्यांच्या शस्त्रसंधीमुळं थांबलं आहे. अशातच अमेरिका आणि इराण यांच्यात शस्त्रसंधी झाल्यानंतर इस्त्रायलनं मात्र आक्रमक भूमिका कायम ठेवली. इस्त्रायलनं लेबनॉनवर जोरदार हल्ले केले आहेत. लेबनॉन हा आमच्या शस्त्रसंधीशी संबंधित विषयच नाही, असं म्हणत दोन आठवड्याच्या शस्त्रसंधीच्या घोषणेनंतरही इस्रायलचे लेबनॉनवरील हिजबुल्लाहवर हल्ले सुरूच असल्याचे चित्र आहे. लेबनॉन शस्त्रसंधीचा भाग नाही असं वक्तव्य अमेरिकेन प्रेस सचिवांनी केलं आहे. त्यामुळे अमेरिकेन शहाबाज शरीफ यांना तोंडघशी पाडले आहे. विशेष म्हणजे पाकिस्तानी पंतप्रधान शहाबाज शरीफ यांनी शस्त्रसंधीची घोषणा करताना लेबनॉनचा देखील उल्लेख केल्याची माहिती आहे. दुसरीकडे पाकिस्तान विश्वासार्ह नाही, असं महत्वाचं वक्तव्य इस्रायलच्या भारतातील राजदूतांनी केलं आहे.’अमेरिकेकडून स्वतःच्या सुविधेसाठी पाकिस्तानचा उपयोग’ असं म्हणत इस्रायलने खडेबोल सुनावले आहे. ‘आम्हाला हव्या असलेल्या परिणामासाठी अमेरिकेशी समन्वय महत्वाचा असल्याचेही भारतातील इस्रायलचे राजदूत रेऊवेन अझार म्हणाले आहे. इराणला शस्त्र पुरवठा करणाऱ्या देशांना ट्रम्पचा इशारा अमेरिका आणि इराण यांच्यातील युद्ध अखेर 40 व्या दिवशी दोन आठवड्यांच्या शस्त्रसंधीमुळं थांबलं. अमेरिका आणि इराण यांच्यातील संघर्ष थांबला असला तरी दोन्ही बाजूनं दावे आणि प्रतिदावे समोर आहेत.अमेरिकेचे अध्यक्ष डोनाल्ड ट्रम्प यांनी विविध देशांना टॅरिफ लादण्याची धमकी दिली आहे. डोनाल्ड ट्रम्प म्हणाले की जे देश इराणला शस्त्र पुरवठा करतील त्यांच्यावर 50 टक्के टॅरिफ लादणार आहे. अमेरिकेचे अध्यक्ष डोनाल्ड ट्रम्प यांनी इराणला मदत करणाऱ्या देशांना इशारा दिला आहे. जे देश इराणला शस्त्रपुरवठा करतील त्यांच्यावर तातडीनं 50 टक्के टॅरिफ लादणार आहे. ट्रम्प यांनी इराणला जो देश शस्त्र पुरवठा करेल त्या देशांमधून अमेरिकेला निर्यात केल्या जाणाऱ्या वस्तूंवर 50 टक्के टॅरिफ लादणार असल्याचा इशारा दिला. यामध्ये कोणत्याही देशाला सूट दिली जाणार नाही, असं ट्रम्प म्हणाले. स्मृती मानधना, पलाश मुच्छलचं पॅचअप? Top 10 News : भारताच्या महिला क्रिकेट संघाची स्टार फलंदाज स्मृती मानधना आणि म्युझिक कंपोजर पलाश मुच्छल गेल्या कित्येक दिवसांपासून चर्चेत आहेत. मागच्या वर्षी नोव्हेंबरमध्ये दोघेही एकमेकांशी लग्न करणार होते. लग्नापूर्वीच्या सर्व विधी झाल्या आणि नेमकं लग्नाच्या आदल्या रात्रीच काहीतरी घडलं, ज्यामुळे लग्न मोडल्याचं स्मृती मानधनानं जाहीर करुन टाकलं. त्यामुळं सर्वांनाच धक्का बसला. अशातच आता पुन्हा एकदा दोघांचं पॅचअप झाल्याच्या चर्चा सुरू आहेत. कारण एका व्हिडीओमध्ये पलाश मुच्छलची बहीण, पलक मुच्छल, ही स्मृती मानधनाच्या वडिलांसोबत, श्रीनिवास मानधना यांच्यासोबत, दिसून आली आहे. या प्रसंगी संगीत दिग्दर्शक मिथुन देखील उपस्थित होते. हे तिघे मुंबईतील एका रेस्टॉरंटबाहेर दिसून आलेत. या व्हिडीओमध्ये, पलक मुच्छल स्मृती मानधनाच्या वडिलांचे आशीर्वाद घेण्यासाठी त्यांच्या पाया पडताना दिसतेय. हा व्हिडीओ समोर येताच,स्मृती आणि पलाश पुन्हा एकत्र येणार असल्याच्या चर्चाना उधाण आलंय. आयपीएलमध्ये गुजरातचा पहिला विजय आयपीएलच्या 19 व्या हंगामातील 14 व्या सामन्यात दिल्ली कॅपिटल्स आणि गुजरात टायटन्स आमने सामने आले होते. दिल्लीनं टॉस जिंकून प्रथम गोलंदाजी करण्याचा निर्णय घेतला. तर, गुजरात टायटन्सनं प्रथम फलंदाजी करताना 4 बाद 210 केल्या. या धावसंख्येचा पाठलाग करताना दिल्ली कॅपिटल्सनं चांगली सुरुवात केली होती. केएल राहुलनं 92 धावा केल्या. तर, डेव्हिड मिलरनं नाबाद 41 धावा केल्या. मात्र, शेवटच्या ओव्हरमध्ये डेव्हिडचा एक निर्णय चूकला आणि दिल्लीचा 1 रननं पराभव झाला. दिल्ली कॅपिटल्सच्या संघानं 20 ओव्हरमध्ये 209 धावा केल्या.
