टोकियो – येथे सुरू असलेल्या ऑलिम्पिक्‍स स्पर्धेत पुरुष हॉकीच्या साखळी सामन्यात भारताने आज सकाळी बलाढ्य आणि पदकाचा दावेदार मानल्या जात असलेल्या अर्जेंटिनावर 3-1 अशी मात करत हॉकीमधील आपले वर्चस्व पुन्हा एकदा सिद्ध केले.

गेममध्ये दोन मिनिटे शिल्लक असतानाच भारताने आक्रमण सुरूच ठेवले आणि जवळपास अखेरच्या मिनिटाच्या सुरुवातीस आणखी एक गोल करून सामन्यात आपली विजयी आघाडी 3-1 अशी नोंदवली.

त्याआधी मिळालेल्या पेनल्टी कॉर्नरवर विवेक सागर प्रसादने भारताची आघाडी वाढवताना 2-1 अशी कामगिरी केली. विवेक सागर प्रसादसाठी हा ऑलिम्पिकमधील पहिला गोल ठरला.
त्याआधी भारत 1-0 अशा आघाडीवर असताना अर्जेंटिनाचा गोलकीपर डाव्या हाताने गोल करीत असलेल्या रूपिंदरचा शॉट वाचवण्यासाठी त्याने आक्रमक कामगिरी केली. भारतीय गोलरक्षक श्रीजेशला समजायच्या आतच अर्जेंटिनाच्या मायको केसलाने गोल नोंदवत सामन्यात बरोबरी साधली.

अगदी सुरुवातीला व्हिडिओ रेफरल मिळाल्यानंतर मिळालेल्या पेनल्टी कॉर्नरनंतर तिसऱ्या हाफमध्ये भारताने महत्त्वपूर्ण आघाडी घेतली. वरुण कुमारने सुपर ड्रॅग फ्लिकसह गोल करून भारताला गत ऑलिम्पिक चॅम्पियन अर्जेंटिनाविरुद्ध 1-0 ने आघाडीवर नेले.

अर्जेंटिनाने चौथ्या क्वॉर्टरमध्ये सामन्यामध्ये आपला पहिला गोल केला. 48 व्या मिनिटाला मको स्कूथने पेनल्टी कॉर्नरवर गोल करत सामना 1-1 च्या बरोबरीत आणला. त्यानंतर दोन्ही संघ अगदीच आक्रमक पद्धतीने खेळ करताना दिसले. भारताकडून 58 व्या मिनिटाला विवेक सागरने गोल करत भारताला 2-1 ची आघाडी मिळवून दिली.

त्यानंतर पुढच्याच मिनिटाला म्हणजेच सामन्याच्या 59 व्या मिनिटाला हरमनप्रीत सिंहने पेनल्टी कॉर्नरवर गोल करत भारताची आघाडी 3-1 वर नेली आणि भारताच्या विजयावर शिक्‍कामोर्तब केले. भारताला या सामन्यात एकूण आठ कॉर्नर मिळाले. त्यापैकी दोनमध्ये भारताला गोल करण्यात यश आले. सामना इतका चुरशीचा झाला की पहिल्या दोन्ही हाफमध्ये गोलशून्य बरोबरी राहिली होती.