मुंबई – प्रसिद्ध टिकटॉक स्टार आणि गायक दानिश अल्फाजवर मुंबईतील ओशिवरा पोलीस ठाण्यात गुन्हा दाखल करण्यात आला आहे. दानिश अल्फाजच्या पत्नीने दानिशविरुद्ध हुंडाबळीसाठी छळ आणि बलात्काराचा गुन्हा दाखल केला आहे. मुंबई पोलिसांनी टिकटॉक स्टारविरुद्ध आयपीसी कलम ३७६ आणि ४९८ अंतर्गत गुन्हा दाखल केला आहे. या संपूर्ण प्रकरणाची चौकशी करण्यात येत आहे. दानिश अल्फाजवर अनेक गंभीर आरोपांखाली गुन्हा दाखल करण्यात आला आहे.

मिळालेल्या माहितीनुसार, त्याच्यावर बलात्कार, अनैसर्गिक सेक्स, हुंड्यासाठी छळ आणि फसवणूक असे आरोप आहेत. अशात त्याच्याविरुद्ध आयपीसी कलम ३७६ (बलात्कार), ३७७ (अनैसर्गिक लैंगिक संबंध), ४९८ (अ) (बेकायदेशीर शोषण आणि मागणी), ४०६ (फसवणूक) आणि ३४ अंतर्गत गुन्हा दाखल करण्यात आला आहे. आता दानिश फरार आहे. पोलीस या प्रकरणाचा तपास करत आहेत.

दरम्यान, 2020 मध्ये दानिश अल्फाजची अभिनेत्री आणि सोशल मीडिया प्रभावशाली सना इस्लाम खानची भेट झाली. दोघांची मैत्री झाली आणि नंतर प्रेम झाले. त्यांच्या नात्याची सुरुवात खूप चांगली झाली. मात्र, काही महिन्यांनंतरच ते वेगळे झाले. दोघांचे ब्रेकअप खूप वाईट झाले होते असे बोलले जाते.

दानिश अल्फासने ‘द जर्नी ऑफ कर्मा’, ‘बरसात’, ‘दानिश अल्फास आणि श्रिया जैन: हाफ बॉयफ्रेंड’ आणि ‘बडी आसिल से’ या गाण्यांमध्ये काम केले आहे. कॉलेजच्या काळात तो खूप लोकप्रिय होता. त्याने सुपर हंट 7 आणि वाटिका प्रतिभा फेस्ट 2014 देखील जिंकले.