Hema Malini : हिंदी चित्रपटसृष्टीतील महानायक अमिताभ बच्चन यांनी आपल्या दीर्घ चित्रपटसृष्टीतील कारकिर्दीत असंख्य संस्मरणीय भूमिका साकारत प्रेक्षकांच्या मनावर अधिराज्य गाजवले आहे. बॅालिवूडची ड्रीम गर्ल हेमा मालिनी आणि महानायक अमिताभ बच्चन यांनी एकत्रित अनेक चित्रपट केले असून, त्यांचे सर्वच चित्रपट हिट ठरले.

‘शोले’ या अजरामर चित्रपटानंतर अमिताभ यांना अनेक भूमिका मिळाल्या, त्यानंतर त्यांनी कधीही मागे वळून पाहिलेचे नाही. या दरम्यान हेमा मालिनी यांनी देखील बॅालिवूडमध्ये आपल्या प्रतिभावान अभिनयाने प्रेक्षकांना भुरळ पाडली.

मात्र, एकदा ज्येष्ठ अभिनेत्री हेमा मालिनी यांनी अमिताभ बच्चन यांच्याबद्दल केलेले एक वक्तव्य चांगलेच चर्चेत आले होते. त्यांनी विनोदी शैलीत अमिताभ यांचा “हेवा वाटतो” असे एका मुलाखतीदरम्यान म्हटले होते.

हेही वाचा : Sshura and Arbaaz Khan : “म्हाताऱ्यासोबत तू खूश आहे का?” ट्रोल करणाऱ्याला अरबाज खानच्या पत्नीचे सडेतोड उत्तर

एका मुलाखतीदरम्यान हेमा मालिनी यांना अमिताभ बच्चन यांच्या ‘पा’ आणि ‘बुढा होगा तेरा बाप’ या चित्रपटांतील भूमिकांबद्दल प्रश्न विचारण्यात आले होते. यावर प्रतिक्रिया देताना हेमा मालिनी म्हणाल्या, “अमिताभ बच्चन खूप भाग्यवान आहेत. त्यांना प्रत्येक प्रकारच्या भूमिका मिळतात. मात्र, अभिनेत्रींसाठी अशा संधी तुलनेने कमी असतात.”

हेही वाचा : Sshura and Arbaaz Khan : “म्हाताऱ्यासोबत तू खूश आहे का?” ट्रोल करणाऱ्याला अरबाज खानच्या पत्नीचे सडेतोड उत्तर

यानंतर त्यांना, “म्हणजे तुम्हाला त्यांचा हेवा वाटतो का?” असा प्रश्न विचारण्यात आला. त्यावर हसत हसत उत्तर देताना त्या म्हणाल्या, “हो, मला त्यांचा खूप हेवा वाटतो.” मात्र, हे वक्तव्य त्यांनी हलक्याफुलक्या अंदाजात केले होते. पण त्यांनी केलेल्या वक्तव्यामुळे विविध चर्चा रंगल्या होत्या.

हिट जोडी 

बॅालिवूडमध्ये अमिताभ बच्चन आणि हेमा मालिनी यांनी अनेक हिट चित्रपटांत एकत्रित काम केले. यामध्ये ‘शोले’, ‘सत्ते पे सत्ता’, ‘नसीब’, ‘बागबान’, ‘बाबुल’, ‘नास्तिक’ आणि ‘दो और दो पांच’ यांसारख्या चित्रपटांचा समावेश होतो. या जोडीने प्रेक्षकांचे भरभरून मनोरंजन केले. विशेष म्हणजे, 2006 मध्ये प्रदर्शित झालेल्या ‘गंगा’ या भोजपुरी चित्रपटातही दोघे एकत्र झळकले होते. आजही अमिताभ बच्चन आणि हेमा मालिनी यांची जोडी हिंदी चित्रपटसृष्टीतील सर्वाधिक लोकप्रिय आणि आदरणीय जोड्यांपैकी एक मानली जाते.

हेही वाचा : Ashok Kharat Case: खरात, वैद्य ते मौलाना! पुरोगामी महाराष्ट्रातील 53 भोंदूबाबांची यादी…