Life Certificate : केंद्र सरकारच्या सर्व पेन्शनधारकांना त्यांचे निवृत्तीवेतन वेळेवर मिळावे म्हणून दरवर्षी नोव्हेंबरमध्ये त्यांचे जीवन प्रमाणपत्र सादर करावे लागते. सरकारने 80 वर्षे किंवा त्याहून अधिक वयाच्या वृद्ध पेन्शनधारकांना विशेष सुविधा दिल्या आहेत. हे पेन्शनधारक 1 ऑक्टोबरपासूनच त्यांचे जीवन प्रमाणपत्र सादर करू शकतात. तर इतर पेन्शनधारकांसाठी ही प्रक्रिया 1 नोव्हेंबरपासून सुरू होईल.

जीवन प्रमान म्हणजे काय?

जीवन प्रमाण हे एक डिजिटल प्रमाणपत्र आहे, जे आधार कार्ड आणि बायोमेट्रिक (फिंगरप्रिंट किंवा डोळा स्कॅनिंग) द्वारे तयार केले जाते. या प्रमाणपत्रामुळे पेन्शनधारकांना ते जिवंत असल्याचे सिद्ध करण्यासाठी दरवर्षी पेन्शन विभागाला भेट देण्याची गरज नाही. ते ऑनलाइन सबमिट केले जाऊ शकते आणि माहिती तंत्रज्ञान कायद्यानुसार वैध आहे. वृद्ध पेन्शनधारकांसाठी ही सुविधा सोपी आहे. त्यामुळे त्यांना पेन्शन प्रक्रियेत कोणतीही अडचण येणार नाही.

जीवन प्रमाणपत्र सादर करण्याची शेवटची तारीख –

80 वर्षे किंवा त्याहून अधिक वयाचे वृद्ध निवृत्तीवेतनधारक 1 ऑक्टोबर 2024 पासून त्यांचे जीवन प्रमाणपत्र सादर करू शकतात. इतर पेन्शनधारक 1 नोव्हेंबरपासून ते जमा करण्यास सुरुवात करतील. सहसा त्याची अंतिम तारीख 30 नोव्हेंबर असते. मात्र, सरकार त्यात वाढही करू शकते.

जीवन प्रमाणपत्र वेळेवर सादर न केल्यास काय होईल?

निवृत्तीवेतनधारकांनी 30 नोव्हेंबरपर्यंत जीवन प्रमाणपत्र सादर केले नाही तर त्यांचे डिसेंबर आणि त्यानंतरचे पेन्शन थांबवले जाईल. जीवन प्रमाणपत्र नंतर केव्हाही सादर केल्यानंतर, सिस्टममध्ये पेन्शन अपडेट होताच, संपूर्ण पेन्शन आणि थकबाकीची रक्कम पुढील पेमेंटमध्ये प्राप्त होईल. जीवन प्रमाणपत्र तीन वर्षे किंवा त्याहून अधिक काळ सादर न केल्यास, निवृत्ती वेतन पुन्हा सुरू करण्यासाठी संबंधित अधिकाऱ्यांची मंजुरी आवश्यक असेल.