Renuka Shahane : अभिनेत्री रेणुका शहाणे यांनी अनेक सिनेमांमध्ये काही ठराविक पण लक्षात राहणाऱ्या भूमिका केलेल्या आहेत. मराठीसोबतच त्यांनी हिंदी चित्रपटसृष्टी गाजवली. हिंदी सिनेमात केलेल्या कामामुळे प्रेक्षकांच्या मनात रेणुका यांनी अढळ स्थान निर्माण केलं. त्यांनी कलेले काही सिनेमे प्रचंड गाजले. यामध्ये ‘हम आपके है कौन’ या सिनेमाचं नाव वरच्या स्थानी आहे. रेणुका यांची बॅालीवूड अभिनेते आशितोष राणा यांच्यासोबतची लव्हस्टोरी खूपच इंन्ट्रेस्टिंग आहे. पण नुकत्याच एका दिलेल्या मुलाखतीत अभिनेत्री रेणुका शहाणे यांनी आशितोष राणांसोबतच्या लग्नाबाबत मोठा खुलासा केला आहे. रेणुका यांनी आपला जोडदार म्हणून हिंदी सिनेसृष्टीतील नावाजेले कलाकार अभिनेते आशितोष राणा यांच्यासोबत लग्न गाठबांधली. पण एका मुलाखती दरम्यान आशितोष राणांसोबत लग्नाचा विचार नव्हता असा मोठा खुलासा अभिनेत्री रेणका शहाणे यांनी केला आहे. खरं तर आम्हाला दोघांनाही एकमेकांशी लग्न करायचं नव्हतं. आम्ही एकमेकांना डेट करत होतो. आम्ही खूप चांगले मित्र झालो होतो. रिलेशनशिपमध्ये तर होतोच. कारण, लग्नाबद्दल नाही म्हटलं तरी त्या काळातही भीती होतीच. असं रेणुका यांनी एका यूट्यूब चॅनेलच्या पॅाडकास्टमध्ये दिलेल्या मुलाखतीत म्हटलं आहे. आम्ही ज्या प्रोफेशनमध्ये आहोत तिथे सगळ्याच बाबतीत लोकांचं एक म्हणणं असतं. राणाजी आणि माझ्यात तर इतकं अंतर आहे. ते अत्यंत आस्तिक आहेत आणि मी नास्तिक आहे. म्हणजे आमच्या घरात देवघरच नव्हतं, असं रेणुका यांनी सांगितलं. आशितोष राणा यांचं कुटुंब पूर्णपणे धार्मिक आहे. त्यांचे अध्यात्मिक गुरुजी देवप्रभाकर शास्त्री होते. त्यांना आम्ही दद्दाजी म्हणायचो. आम्ही जेव्हा डेट करत होतो तेव्हा ते आमच्या आयुष्यातले एक अविभाज्य घटक होते. दद्दाजींनी राणाजींना सांगितलं की मी तुझ्यासाठी बायको निवडली आहे ती म्हणजे रेणुका. त्यानंतर काही दिवसांनी रेणुका शहाणे आणि आशितोष राणा यांचं लग्न झालं. हेही वाचा : बॉम्बस्फोटाने हादरला पाकिस्तान ! जाफर एक्सप्रेसवर पुन्हा हल्ला ; बलुच आर्मीने घेतली जबाबदारी
