Rohit Pawar : सभागृहात चालू कामकाजात रमी खेळल्याचा व्हिडीओ व्हायरल झाल्यानंतर कृषीमंत्री माणिकराव कोकाटे यांनी आजपर्यंत एक रुपयाची रमी खेळलो नाही. मला रमी खेळता येत नाही, असे म्हणत त्याच्यांवर होत असलेल्या आरोप धूडकावून लावले आहेत. याविषयी त्यांनी आज २२ जुलै रोजी पत्रकार परिषद घेत व्हायरल होणाऱ्या व्हिडीओचे स्पष्टीकरण दिले आहे.

शरद पवार गटाचे आमदार रोहित पवार यांनी कृषिमंत्री सभागृहात रमी गेम खेळत असल्याचा आरोप करत एक्सवरून पोस्ट करत व्हिडीओ शेअर केला होता. त्यानंतर कोकाटेंवर चहूबाजूंनी टीका करण्यात येत आहे. आरोपांचे खंडन जरी कोकाटेंनी केले असले तरी राजीनमा देण्यासारख एवढं काय घडलं होतं? असे त्यांनी दिलेल्या उत्तरावर पुन्हा एकदा विरोधकांनी टीकेची तोफ डागली आहे.

रोहित पवार यांनी पुन्हा एकदा कोकाटेंचा रमी खेळतानाचा व्हिडीओ शेअर करत अनेक सवाल त्यांना केले आहेत. सभागृहाचं कामकाज संपलं होतं हे कृषिमंत्री महोदयांचं विधान धडधडीत खोटं असल्याचा आरोप रोहित पवार यांनी केला आहे. ओसाड गावच्या पाटलांना’ या चर्चेत रस नसावा… आणि मला सांगा पत्त्याची कोणती जाहिरात skip करण्यासाठी ४२ सेकंद लागतात हो? असा सवाल त्यांनी केला आहे.

#राजीनामा_द्यावाच_लागेल!

सभागृहाचं कामकाज संपलं होतं हे कृषिमंत्री महोदयांचं विधान धडधडीत खोटं आहे. उलट विकासाच्या मूळ प्रवाहापासून दूर असलेल्या आदिवासी बांधवांना दुधाळ जनावरं देण्याच्या अत्यंत महत्त्वाच्या विषयावर सभागृहात चर्चा सुरु होती, पण ‘ओसाड गावच्या पाटलांना’ या चर्चेत… pic.twitter.com/KQJE4eHtwz

— Rohit Pawar (@RRPSpeaks) July 22, 2025

कोकाटे साहेबांनी मंत्रीपदाचा राजीनामा द्यावा

विधिमंडळाची अप्रतिष्ठा होऊ नये म्हणून आवाज असलेले हे व्हिडिओ शेअर करणं मी टाळत होतो, पण मंत्री महोदयांनी कोर्टात जाण्याची भाषा केल्याने नाईलाजाने मला सत्य जनतेच्या कोर्टात आणावं लागतंय, असेही रोहित पवार यांनी ट्वीटमध्ये म्हटले आहे. कृषीमंत्री पत्ते खेळत होते की नाही याचीही चौकशी करावी आणि ही चौकशी निष्पक्ष पद्धतीने होण्यासाठी नैतिकता दाखवून कोकाटे साहेबांनी मंत्रीपदाचा राजीनामा द्यावा, अशी मागणी त्यांनी केली आहे.

रोहित पवारांकडून खोचक सवाल 

सत्य हे झाकणार नसल्याने राजीनामा देण्यासाठी पुढील अधिवेशनाची कशाला वाट पाहता आणि शेतकऱ्यांना सहन करायला लावता? असा खोचक सवालही रोहित पवारांनी कोकाटेंना केला आहे.

हेही वाचा : हिमाचलमध्ये मुसळधार पावसामुळे भूस्खलन अन् पूर ; शेकडो रस्ते बंद, अनेक गावांचा संपर्क तुटला