Thackeray Group | Asia Cup 2025 – दुबईमध्ये होत असलेला भारत विरुद्ध पाकिस्तान आशिया कप सामन्याला शिवसेना ठाकरे गटाकडून कडाडून विरोध करण्यात आला आहे. राज्यामध्ये मुंबईसह पुणे,नाशिक, कोल्हापूर छत्रपती संभाजी नगरमध्ये ठाकरेंच्या शिवसेनेकडून जोरदार आंदोलन करण्यात आले.

पहलगाम दहशतवादी हल्ल्यानंतर पाकिस्तान विरोधात ऑपरेशन सिंदूर राबवण्यात आले. सरकारकडून अजूनही सांगण्यात येते की ही मोहीम सुरूच आहे, तर पाकिस्तान विरुद्ध सामना खेळन्याला विरोध केला आहे. त्यामुळे शिवसेनेकडून राज्यभर आंदोलनाची हाक देण्यात आली होती.

खासदार संजय राऊत यांनी मुंबई क्लब आणि रेस्टॉरंटवाल्यांना इशारा दिला आहे. ज्या ठिकाणी क्लब आणि रेस्टॉरंटमध्ये स्क्रीनवर मॅच दाखवली जाईल त्या ठिकाणांची माहिती राष्ट्रभक्तांनी सोशल मीडियावर द्यावी असा इशारा दिला आहे.

दुसरीकडे अनिल परब यांनी सुद्धा मुंबईमध्ये जर स्क्रीनवर मॅच दाखवली गेली तर शिवसेना स्टाईलने उत्तर दिले जाईल, असा इशारा दिला आहे. शिवसेच्या इशाऱ्यानंतर मुंबईच्या वानखडे आणि मरीन ड्राईव्ह परिसरात पोलिस बंदोबस्त वाढवण्यात आला आहे.

या सामन्यासाठी आयसीसी अध्यक्ष जय शाह यांचा भारतीय संघावर दबाव होता, हा सामना खेळण्यासाठी भारतीय संघातील खेळाडू सुद्धा इच्छुक नाहीत. मात्र, तरीही हा सामना होत असल्याचा गंभीर आरोप राऊत यांनी केला आहे. नाशिकमध्ये मनसेकडून टीव्ही फोडून आंदोलन करण्यात आले आहे. महिला आघाडीकडून मोदींना सिंदूर सुद्धा पाठवण्यात आले आहे.