Sonali Bendre | Salman Khan | नुकतीच अभिनेत्री सोनाली बेंद्रे हिने एनएआयला मुलाखत दिली आहे. या मुलाखतीत तिने तिच्या आजवरच्या फिल्मी करिअरवर भाष्य केले. तसेच चित्रपटसृष्टीतील आठवणींना उजाळा दिला. ९० च्या दशकानंतर बॅालीवूडमध्ये लोकप्रियता मिळवलेल्या सोनालीने अनेक अभिनेत्यांसोबत काम केले आहे. बॅालीवूडचा भाईजानसोबतही तिने अनेक चित्रपटांमध्ये काम केले आहे. अभिनेत्रीने सलमान खानबद्दलच्या बऱ्याच गोष्टी शेअर केल्या. सलमान खानचा स्वभाव कसा आहे? सोनाली त्याची चांगली मैत्रीण होती का? आणि सर्वात महत्वाचे म्हणजे सोनालीना कॅन्सरसारखा आजार झाला होता. या कठीण काळात सलमान खान सोनालीचा आधार कसा बनला? या सर्व प्रश्नांवर सोनालाीने उत्तरं दिली. तेव्हा तो मला खूप त्रास द्यायचा सोनालीने सांगितले की सलमान तिला सुरुवातीला आवडत नव्हता. यामागेते कारणही तिने सांगितले. ‘जेव्हा मी सलमान खानसोबत ‘हम साथ साथ है’ चित्रपटाचे शूटिंग करत होते, तेव्हा तो मला खूप त्रास द्यायचा. मी ज्यावेळी एखादा शॉट किंवा सीन देत असेल, तर तेव्हा तो कॅमेऱ्याच्या मागून विचित्र हावभाव करत असायचा, असे तिने सांगितले. तेव्हा सलमानने माझा नवरा गोल्डीला फोना केला त्यानंतर जसा काळ गेला. तसे मी सलमान खानला कालांतराने ओळखत गेले. तो खोडसाळपणा करणाऱ्या मुलासारखा आहे. पण त्याची दुसरी बाजू म्हणजे तो इतरांचीही खूप काळजी घेतो. मला आठवतंय, जेव्हा मी कर्करोगावर उपचार घेत होते, तेव्हा सलमानने माझा नवरा गोल्डी यांना फोन करून चांगल्या डॅाक्टरांबद्दल सांगितले होते. माझ्या उपचारात कोणतीही कमतरता भासू नये अशी त्याची इच्छा होती, अशी आठवण तिने सलमानविषयीची शेअर केली. कॅन्सर या आजारातून पूर्ण बरी झाल्यानंतर सोनाली बेंद्रे पुन्हा एकदा अभिनय क्षेत्राकडे वळाली. २०२२ मध्ये आलेल्या ‘ब्रोकन न्यूज’ या वेब सिरीजमध्ये ती दिसली. सोनालीने आगामी काळात वेगवेगळ्या प्रकारचे चित्रपट आणि वेब सिरीज करण्याची इच्छा व्यक्त केली आहे. तिने अभिषेक बच्चन यांची मुख्य भूमिका असलेल्या ‘बी हॅपी’ चित्रपटात एक छोटीशी भूमिका साकारली होती. हेही वाचा: राणे विरुद्ध राणे ! “नितेशने जपून बोलावे, आपण महायुतीत…”; निलेश राणेंचा सल्ला
