Sunil Tatkare : राष्ट्रवादीतील अंतर्गत वाद पुन्हा एकदा चव्हाट्यावर आले आहे. मागील काही दिवसांपासून पक्ष अध्यक्ष निवडीपासून ते पक्षातील कार्यकारणीपर्यंत सर्वकाही आलबेल नसल्याचे अनेकदा समोर आले आहे.

सुनील तटकरेंच्या प्रदेशाध्यक्ष पदाला पक्षातूनच विरोध केला जात असल्याचे वृत्तही समोर येत आहे. याबाबत आता थेट निवडणूक आयोगाकडेच तक्रार दाखल करण्यात आली आहे. सुनील तटकरे यांचे पद घटनाबाह्य अशी तक्रार निवडणूक आयोगाकडे करण्यात आली आहे.

जालना जिल्ह्यातील मंठा-परतूर विधानसभा मतदारसंघाचे अध्यक्ष भाऊसाहेब गोरे यांनी पक्षाच्या संविधानाला डावलून, अंतर्गत लोकशाहीचे नियम धाब्यावर बसवून तटकरेंची नियुक्ती करण्यात आल्याची तक्रार केली आहे.

भाऊसाहेब गोरे यांनी नेमके काय केले आरोप ? 

सुनील तटकरेंच्या नियुक्तीचा 3 वर्षांचा कार्यकाळ जुलै 2026 मध्येच संपुष्टात आला आहे. तसेच कोणत्याही पक्षाचा प्रदेशाध्यक्ष पक्षाच्या घटनेनुसार निवडला जातो. ही निवड प्रक्रिया पूर्तता केल्यानंतर आणि त्या प्रत्येकासाठी घटनेत दिलेला कालावधी पूर्ण झाल्यानंतरच ही निवड जाहीर केली जाते. Sunil Tatkare

मात्र, यामधील कोणताही निकष तसेच निवडणुकीसाठी घालून दिलेली प्रक्रिया पूर्ण न करताच घाईगडबडीत तटकरे यांनी करून घेतली आहे. कोणतीही संघटनात्मक निवडणूक न घेता तटकरे अद्याप पदावर कसे कार्यरत आहेत? असा सवाल गोरे यांनी केला आहे. तटकरेंच्या जालना दौऱ्यात अजित पवारांच्या नावाच्या घोषणा दिल्याने तटकरेंनी जिल्ह्यातील अनेक पदाधिकार्यांना पदावरून हटवल्याचाही आरोपही भाऊसाहेब गोरे यांनी केला.

रुपाली पाटील ठोंबरेंचा दावा 

दरम्यान, राष्ट्रवादीच्या नेत्या रुपाली पाटील ठोंबरे यांनीही तटकरेंनी प्रदेशाध्यक्ष पद सोडावे, अजित पवार सुद्धा प्रदेश अध्यक्ष बदलणार होते, असा दावाही त्यांनी केला आहे. दरम्यान, अजित पवार पक्षातील काही नेते प्रदेशाध्यक्ष सुनील तटकरे आणि ज्येष्ठ नेते प्रफुल्ल पटेल यांच्यावर नाराज असल्याची चर्चा आहे. याचदरम्यान सातत्याने राष्ट्रवादीतील अंतर्गत कलह समोर येत आहे.  Sunil Tatkare

हेही वाचा:  

Tukaram Mundhe : “मुख्यमंत्र्यांचे प्राधान्य आणि धर्म असलं पाहिजे की…”; तुकाराम मुंढेंसाठी बड्या अभिनेत्याने केली खास विनंती