बॉलिवूड अभिनेता संजय दत्त आणि त्याची पत्नी मान्यता दत्त यांची पहिली मराठी निर्मिती असलेल्या ‘बाबा’ चित्रपटाची सध्या मराठी आणि हिंदी चित्रपटसृष्टीत बरीच उत्सुकता आहे. चित्रपटाची सहनिर्मिती संजय एस दत्त प्रॉडक्‍शन्सबरोबर ब्ल्यू मस्टॅंग क्रिएशन्सच्या अशोक आणि आरती सुभेदार यांच्या बॅनरखाली करण्यात आली आहे. काही दिवसांपूर्वी प्रदर्शित झालेल्या टीझर आणि पोस्टरला सोशल मीडियावर भरभरून प्रतिसाद लाभतो आहे.

 

View this post on Instagram

 

Presenting #BabaTeaser, our first Marathi film production (Link in bio) ​ . . Directed By: @picturewalaraj Produced By : @sanjayduttsproductions @BlueMustangCreations Story & Screenplay : @manishchalchitra @maanayata #DeepakDobriyal @mi_nandita @abhijeetkhandkekar #AryanMeghji @spruhavarad @shaileshdatar @jaywantwadkar @chittaranjangiri1006 @aaryan_Menghji #RohanRohan @Ro_prads @rohangoks @Sandy_Bhargava @abhijitchawathe @nh_studioz @ashok.subhedar @bhaarti_subhedar @tejasdeoskar @arjunsorte @jitendra1700 @ohardikar #NatashaChopra @rajshrimarathi @vizualjunkies​

A post shared by Sanjay Dutt (@duttsanjay) on Jul 7, 2019 at 10:49pm PDT

‘अडगुलं मडगुलं’ या गेल्या आठवड्यात प्रकाशित झालेल्या पहिल्या गाण्यालाही रसिकांनी डोक्‍यावर घेतले आहे. केवळ मराठीच नव्हे तर हिंदी आणि इतर भाषेतील चित्रपटसृष्टींमध्येही चित्रपटाचा बोलबाला आहे.

एका ऐकू-बोलू न शकणाऱ्या जोडप्याची आणि त्यांच्या आठ वर्षांच्या बोलू न शकणाऱ्या मुलाची ही कथा आहे. एका छोट्याशा गावात आपल्या छोट्याशा विश्वात हे कुटुंब खुश आहे. पण अशातच एक वादळ त्यांच्या आयुष्यात येते. एक उच्चभ्रू जोडपे त्यांच्या घरी येते आणि त्यांच्या मुलावर आपला हक्क सांगते. स्थानिक पोलीस हस्तक्षेप करतात आणि त्यांना मुलावरील हक्क कोर्टात शाबित करून आणायला सांगतात. त्यातून पुढे काय होते? बाबा सर्व संकटांवर मात करून आपल्या मुलाला त्या कायदेशीर लढाईत जिंकतो कि त्याला हार मानावी लागते, हे अनुभवण्यासाठी चित्रपटाच्या प्रदर्शनाची वाट रसिकांना पाहावी लागणार आहे. 2 ऑगस्ट रोजी हा चित्रपट सर्वत्र प्रदर्शित होत आहे.