IND vs NZ 1st T20 : भारत आणि न्यूझीलंड यांच्यातील पाच सामन्यांच्या टी-20 आंतरराष्ट्रीय मालिकेला आज, गुरुवार २२ ऑक्टोबरपासून सुरुवात होत आहे. या मालिकेकडे क्रिकेट चाहत्यांचे लक्ष लागले असून, दोन्ही संघांमध्ये चुरशीची लढत पाहायला मिळण्याची अपेक्षा आहे. ( IND vs NZ 1st T20)

आगामी टी-20 विश्वचषकाच्या दृष्टीनेही ही मालिका महत्त्वाची ठरू शकते. मायदेशात खेळताना न्यूझीलंडचा संघ भारताला कडवी झुंज देण्याच्या तयारीत असेल. मालिकेतील पहिला सामना कधी आणि कुठे होणार, त्याची वेळ काय असेल आणि थेट प्रक्षेपण कुठे पाहता येईल, याविषयी माहिती जाणून घेऊयात…

भारत विरुद्ध न्यूझीलंड पहिला टी- 20 सामना कधी?  (IND vs NZ 1st T20)

भारत आणि न्यूझीलंड यांच्यातील मालिकेतील पहिला टी-20 आंतरराष्ट्रीय सामना 22 ऑक्टोबर 2026 रोजी खेळवला जाणार आहे. या मालिकेत एकूण पाच सामने होणार असून, 1 नोव्हेंबर रोजी मालिकेचा समारोप होईल. पहिल्या सामन्यात विजय मिळवून मालिकेत आघाडी घेण्याचा दोन्ही संघांचा प्रयत्न असणार आहे.

पहिला टी-20 सामना कुठे होणार?  (IND vs NZ 1st T20)

भारत आणि न्यूझीलंड यांच्यातील पहिला सामना न्यूझीलंडमधील क्राइस्टचर्च येथील हॅगली ओव्हल मैदानावर खेळवला जाणार आहे. या मैदानाची आसनक्षमता सुमारे 20 हजार प्रेक्षकांची आहे. स्थानिक प्रेक्षकांसमोर खेळताना न्यूझीलंडच्या संघाला घरच्या मैदानाचा फायदा मिळवण्याची संधी असेल. न्यूझीलंडमधील वेगवान गोलंदाजांना पोषक असलेले वातावरण, खेळपट्ट्या, हवेतील गारवा ही बाबदेखील अत्यंत महत्त्वाची असणार आहे. तर भारतीय संघाला न्यूझीलंडच्या बदललेल्या स्थानिक वातावरणाशी जुळवून घेऊन सामाना खेळावा लागणार आहे.

सामना किती वाजता सुरू होणार?  (IND vs NZ 1st T20)

न्यूझीलंडच्या स्थानिक वेळेनुसार सामना रात्री 8 वाजता सुरू होणार असून, भारतीय वेळेनुसार दुपारी 12.30 वाजता सामन्याला सुरुवात होईल. नाणेफेक भारतीय वेळेनुसार दुपारी 12 वाजता होणार आहे.

भारत-न्यूझीलंड सामना कुठे पाहता येणार? ( IND vs NZ 1st T20)

या सामन्याचे थेट प्रक्षेपण सोनी स्पोर्ट्स नेटवर्कच्या टीव्ही चॅनेल्सवर पाहता येणार आहे. सामन्याचे ऑनलाइन प्रक्षेपण SonyLIV ॲप आणि वेबसाइटवर उपलब्ध असेल.

पहिल्या सामन्यात कोण मारणार बाजी?  (IND vs NZ 1st T20)

पाच सामन्यांच्या मालिकेतील पहिलाच सामना असल्याने दोन्ही संघांसाठी विजय महत्त्वाचा असेल. भारताला प्रतिस्पर्ध्याच्या मैदानावर चांगली सुरुवात करण्याचे आव्हान असेल, तर न्यूझीलंडचा संघ घरच्या परिस्थितीचा फायदा घेण्याचा प्रयत्न करेल.

Rohit Pawar : अजितदादांना हे आवडलं असतं का? रोहित पवारांचा थेट सवाल; पोस्ट चर्चेत