इंदापूर – श्री.नेहरू सामाजिक मित्र मंडळ ट्रस्ट, इंदापूर शहरातील मेन रोड वरील नेहरू चौक येथे वाहतुकीला कोणतीही अडचण येणार नाही.याची दखल घेऊन,गेली साधारण सत्तर वर्षापासुन गणेशोत्सव साजरा करीत आहेत. हा इंदापूर शहरातील मानाचा तिसरा गणपतीचे विसर्जन जल्लोषात करण्यांत आले. यंदाच्या वर्षी उत्सवाच्याया १० व्या दिवशी मंडळाने इंदापूर शहरातील महिला-भगिनींच्या हस्ते गणेशाची महाआरती घेण्यात आली. यामध्ये शेकडो महिलांनी उत्स्फूर्त असा सहभाग घेतला होता. तसेच या महाआरती च्या कार्यक्रमांमध्ये एक अनोखा असा आरतीचे पुजा ताट सजावट स्पर्धेचा कार्यक्रम यशस्वीरित्या घेण्यात आला. विसर्जन दिवशी मुख्याधिकारी रमेश ढगे,पोलिस निरीक्षक सुर्यकांत कोकणे, सहाय्यक पोलीस निरीक्षक हनुमंत वाघमारे, माजी नगराध्यक्षा अंकिता शहा, शहा ग्लोबल स्कुलचे विश्वस्त मुकुंद शहा, माजी नगरसेवक भरत शहा यांच्या हस्ते आरती करून, विसर्जनसाठी हा गणपती दुपारी १२.३० वा.भक्तीमय वातावरणात मार्गस्थ झाला. या वर्षीच्या विसर्जन मिरवणुकीतील १४ फुटी श्री.विठ्ठलाची आकर्षक अशी मुर्ती सर्वांचे लक्ष वेधले. सायंकाळी साडेसहा वाजता इंदापूर नगरपालिकेच्या वतीने १०० फुटी रोड शेजारी उभारण्यात आलेल्या कृत्रिम तलावामध्ये गणेश मुर्तींचे विसर्जन करण्यात आले.या मंडळाचा गौरव नगरपरिषदेने केला आहे.
