Parth Pawar : पवार कुटुंबात पुन्हा एकदा आनंदाचे वातावरण निर्माण झाले असून लवकरच आणखी एका शुभकार्याची नांदी होणार आहे. गेल्या काही दिवसांपूर्वीच खासदार सुप्रिया सुळे यांची लेक रेवती सुळे यांचा विवाह सोहळा पार पडला होता. यानंतर आता खासदार पार्थ पवार यांचा विवाह देखील लवकरच होणार असल्याची माहिती समोर आली आहे.

रेवती सुळेंच्या विवाहसोहळ्यात पार्थ पवार (Parth Pawar ) यांच्यासोबत कायनात धार यांनी हजेरी लावली होती. या उपस्थितीनंतर पार्थ आणि कायनात यांच्या नात्याबाबत विविध चर्चा रंगल्या होत्या. त्यानंतर आता त्यांच्या साखरपुड्याची बातमी समोर आल्याने चर्चा अधिकृत झाली असून पार्थ पवार आणि कायनात धार यांचा साखरपुडा २९ जुलै रोजी पुण्यात पार पडणार आहे.  (Parth Pawar)

 

 

कायनात धार या गेल्या काही काळापासून पार्थ पवार यांच्यासोबत अनेक सार्वजनिक आणि कौटुंबिक कार्यक्रमांमध्ये दिसत आहेत. काही महिन्यांपूर्वी दोघांनी मध्य प्रदेशातील प्रसिद्ध महाकाल मंदिरात जाऊन दर्शन घेतले होते. त्यावेळचे फोटो सोशल मीडियावर मोठ्या प्रमाणात व्हायरल झाले होते. त्यानंतर सोशल मीडियावर दोघांच्या नात्यांविषयी चर्चांना उधाण आले होते.

हेही वाचा : Dhananjay Munde : “आयुष्यात काही प्रसंग…”; धनंजय मुंडेंची भावनिक पोस्ट; वाढदिवसनिमित्ताने कार्यकर्त्यांना केले ‘हे’ आवाहन

कायनात यांनी केवळ आनंदाच्या क्षणीच नव्हे, तर पवार कुटुंबाच्या कठीण काळातही उपस्थिती दर्शवली होती. अजित पवार यांच्या निधनानंतर बारामतीतील सांत्वन भेट तसेच मुंबईतील शोकसभा आणि दशक्रिया विधीलाही त्या उपस्थित होत्या. त्यामुळे त्यांचे पवार कुटुंबाशी असलेले जिव्हाळ्याचे संबंध सातत्याने चर्चेत राहिले.

कोण आहेत कायनात धार?  (Parth Pawar)

कायनात धार या मूळच्या हरियाणातील असून सध्या दिल्लीत वास्तव्यास आहेत. त्या पार्थ पवार यांच्यासोबत अनेकदा दिसल्याने त्यांच्या नात्याबाबत विविध चर्चा सुरू होत्या. आता २९ जुलै रोजी पुण्यात होणाऱ्या साखरपुड्यामुळे या चर्चांवर शिक्कामोर्तब होणार आहे. पवार कुटुंबातील आणखी एका आनंदसोहळ्याकडे आता राजकीय आणि सामाजिक वर्तुळाचे लक्ष लागले आहे.

हेही वाचा : ORS For Hydration: पावसाळ्यात जुलाब-उलट्यांचा त्रास? मधुमेहींनी ORS घ्यावे का? जाणून घ्या डॉक्टरांचे स्पष्ट मत