Women’s Premier League 2024 :- आयपीएल स्पर्धेच्या धर्तीवर सुरु करण्यात आलेल्या महिलांच्या प्रीमिअर लीगला आजपासून (शुक्रवार) येथे सुरुवात होत आहे. सलामीची लढत गतविजेता मुंबई इंडियन्स व दिल्ली कॅपिटल्स यांच्यात होणार आहे. मुंबईचे नेतृत्व भारताच्या महिला संघाची कर्णधार हरमनप्रीत कौर करत असून दिल्लीचे कर्णधारपद ऑस्ट्रेलियाची कर्णधार मेग लेनिंग करत आहे. या सामन्याद्वरे यंदाच्या मोसमात विजयी सलामी देण्यासाठी दोन्ही संघ प्रयत्नशील राहतील.
मुंबईच्या संघात हरमनप्रीत कौरसह अमेलिया केर, हेली मॅथ्युज, शोल ट्रयॉन, मॅट शिवर ब्रंट प्रियांका बाला, यस्तिका भाटीया व पुजा वस्त्रकार अशा नावाजलेल्या खेळाडू आहेत. दिल्लीच्या ताफ्यात लेनिंगसह जेमिमा रॉड्रीक्स, लॉरा हॅरिस, शफाली वर्मा, एलिसकेप्से, पुनम यादव, तितास संधी, तानिया भाटीयासारख्या अनुभवी खेळाडू आहेत. त्यामुळे हा सामना रंगतदार होणार असेच चित्र आहे. यंदाची स्पर्धा देखील पाचच संघात होणार आहे.
मुंबई इंडियन्स, दिल्ली कॅपटल्स, गुजरात जायंट्स, रॉल चॅलेंजर बंगळुरु व युपी वॉरियर्स असे हे पाच संघ आहेत. या स्पर्धेचे सामने बंगळुरु व दिल्लीत होणार असून पहिल्या फेरीत २२ सामने होतील. १७ मार्चला स्पर्धेचा अंतिम सामना होणार आहे. या स्पर्धेसाठी पर्यायी खेळाडू निवडता येणार नसून नाणेफेकीपूर्वीच ११ खेळाडूंचा संघ जाहीर करावा लागणार आहे. तसेच प्रत्येक संघाला दोन डीआरएस घेता येतील.
Excitement levels 🔛 for #TATAWPL Season 2 🤩
Which fixture are you looking forward to the most? 🤔 pic.twitter.com/cM76wDwSte
— Women’s Premier League (WPL) (@wplt20) January 24, 2024
बॉलिवूडचा प्रसिद्ध अभिनेता शाहरुख खान या स्पर्धेच्या उद्घाटन सोहळ्यातील सर्वात मोठे आकर्षण ठरणार आहे. त्याच्यासह कार्तिक आर्यन, टायगर श्रॉफ, वरुण धवन, सिद्धार्थ मल्होत्रा आणि शाहिद कपूर परफॉर्म करणार आहेत. उद्घाटन सोहळा संध्याकाळी ६ः३० ला सुरु होणार असून प्रत्येक सामना रोज संध्याकाळी ७ः३० वाजता सुरु होणार आहे. स्पर्धेतील सामन्यांचे थेट प्रक्षेपण स्पोर्टस १८ या वाहिनीवरून दाखवण्यात येणार आहे.
वाईडलाही डीआरएस
नव्या नियमानूसारच ही स्पर्धा देखील खेळवली जाणार आहे. प्रत्येत संघाला या नव्या नि.मानूसार वाइड तसेच नोबॉलबाबतही डीआरएस घेता येणार आहे. मात्र, मुळ दोन डीआरएसमध्येच त्याचा समावेश करण्यात आला आहे.