Sanchita Ugale | Sushant Singh Rajput : कुमकुम भाग्य आणि वागळे की दुनिया यांसारख्या लोकप्रिय मालिकांमधून घराघरात पोहोचलेली 22 वर्षीय टेलिव्हिजन अभिनेत्री संचिता उगले हिने महाराष्ट्रातील पालघर जिल्ह्यातील आपल्या राहत्या घरी कथितपणे आत्महत्या केल्याची धक्कादायक घटना समोर आली आहे.

पोलिसांनी दिलेल्या माहितीनुसार, रविवारी (दि. 14 जून )संध्याकाळी 7 वाजेच्या सुमारास नालासोपारा परिसरातील घरात कोणीही नसताना संचिताने छताच्या पंख्याला गळफास लावून आत्महत्या केली.

घटनेची माहिती मिळताच पोलिसांचे पथक तात्काळ घटनास्थळी दाखल झाले आणि त्यांनी पाहणी केली. घटनास्थळी कोणतीही संशयास्पद वस्तू आढळली नाही, तसेच कोणतीही सुसाईड नोट देखील जप्त करण्यात आलेली नाही.   (Sanchita Ugale)

 

संचिताच्या वडिलांनी अचोले पोलिसांना दिलेल्या जबाबानुसार, त्यांना या घटनेत कोणताही संशयास्पद प्रकार वाटत नाही किंवा या मृत्यूसाठी ते कोणालाही जबाबदार धरत नाहीत, असेही अधिकाऱ्याने स्पष्ट केले.  (Sanchita Ugale)

पोलिसांनी मृतदेह शवविच्छेदनासाठी शासकीय रुग्णालयात पाठवला असून, सध्या अकस्मात मृत्यूची नोंद करून या टोकाच्या पाऊलामागचे कारण शोधण्यासाठी तपास सुरू केला आहे.   (Sanchita Ugale)

एक धक्कादायक योगायोग म्हणजे, 2020 मध्ये याच तारखेला अभिनेता सुशांत सिंह राजपूत याचंही निधन झालं होतं. संचिता उगले टेलिव्हिजन आणि सिनेमा अशा दोन्ही माध्यमांमधील तिच्या भूमिकांसाठी ओळखली जाते.   (Sanchita Ugale)

 

दि. 14 जून 2020 रोजी सुशांत सिंह राजपूत ने आत्महत्या केली. त्याच्या निधनाला सहा वर्ष पूर्ण झालीत. दोघांच्याही मृत्यूची तारीख एकच आहे. ही बाब अनेकांना चकीत करणारी ठरली आहे.

संचिता उगले हिने कुमकुम भाग्य या मालिकेत दिया टंडनची भूमिका साकारली होती. ही भूमिका तिच्या करिअरला कलाटणी देणारी ठरली असून यामुळे तिला मोठी ओळख मिळाल्याचे तिने पूर्वी सांगितले होते.   (Sanchita Ugale)

याशिवाय तिने वागळे की दुनिया, नयी पिढी नये किस्से मध्ये काम केले होते आणि दिलवाले दुल्हनिया ले जायेंगे या मालिकेत तिने मुख्य भूमिका साकारली होती.

हे देखील वाचा: 

Sushant Singh Rajput: ‘दोन लोक आले होते, खून करून गेले’… सुशांत सिंह राजपूतच्या बहिणीचा धक्कादायक दावा