Kishori Pednekar – मुंबईच्या माजी महापौर किशोरी पेडणेकरांना अखेर ठाकरेसेनेकडून वॉर्ड क्रमांक 199 मधून उमेदवारी जाहीर करण्यात आली आहे. पक्षाकडून एबी फॉर्म मिळाल्यानंतर पेडणेकरांनी शिवसेनाप्रमुख बाळासाहेब ठाकरे यांच्या स्मृतीस्थळी जाऊन अभिवादन केले. मुंबई महानगरपालिकेच्या 2017 मध्ये झालेल्या निवडणुकीत पेडणकेर या दक्षिण मुंबईतील वॉर्ड क्रमांक 199 मधून निवडून आल्या होत्या. त्यानंतर किशोरी पेडणेकर या मुंबईच्या महापौर झाल्या होत्या. आताही त्याच वॉर्डमधून त्या पुन्हा निवडणुकीसाठी सज्ज झाल्या आहेत. एबी फॉर्म मिळाल्यानंत पेडणेकर म्हणाल्या, वॉर्ड क्रमांक 199 मध्ये मी आधी काम केले आहे आणि अभिमानाने ते मतदारांना सांगू. जनतेने त्यांचा आशीर्वाद कायम ठेवावा. कोरोनाच्या संकटात सगळ्या जगाचे लक्ष आपल्या महापालिकेकडे होते. आम्ही सज्ज आहोत, आम्ही जागृत आहोत. फॉर्म मिळाल्यानंतर जबाबदारी वाढली आहे, असे पेडणेकर यावेळी म्हणाल्या.
