Ahilyangar News | अहिल्यानगर महानगरपालिकेत भाजप आणि अजित पवारांच्या राष्ट्रवादीची युती झाली आहे. तर शिंदे गट स्वबळावर निवडणूक लढत आहेत. एकीकडे निवडणुकीच्या दृष्टीने राजकीय घडामोडींना वेग आला आहे. यादरम्यान निवडणूक प्रशासनाने शिंदे गटाचे उमेदवार आणि जिल्हाप्रमुख अनिल शिंदे यांच्या घरावर धाड टाकली. कोणतीही पूर्वसूचना न देता झालेल्या या कारवाईमुळे उमेदवार शिंदे यांच्यावर प्रचंड मानसिक ताण आला. या तणावातून त्यांना हृदयविकाराचा झटका आल्याची घटना घडली. यानंतर शिंदे यांना तातडीने रुग्णालयात दाखल करण्यात आले. अहिल्यानगर महानगरपालिका निवडणुकीच्या पार्श्वभूमीवर प्रभाग क्रमांक १५ मध्ये घडलेल्या घटनेने संपूर्ण शहराचं राजकीय वातावरण तापले आहे. मिळालेल्या माहितीनुसार, आगरकर मळा येथील अनिल शिंदे यांच्या निवासस्थानी निवडणूक प्रशासनाच्या पथकाने काल सायंकाळी धाड टाकली. पोलीस बंदोबस्तासहित वरिष्ठ अधिकारी आणि प्रशासकीय यंत्रणा घरात दाखल झाल्याने वातावरण तणावपूर्ण झालं. मात्र प्रशासकीय कारवाईच्या तीव्र मानसिक दबावामुळे थेट हृदयविकाराचा झटका अनिल शिंदे यांची पत्नी शीला शिंदे यांनी प्रशासनावर गंभीर आरोप केले आहेत. ‘राजकीय दबावातून हा प्रकार सुरू’ ‘राजकीय दबावातून हा प्रकार सुरू आहे. शिवसेनेने स्वतंत्र लढण्याचा निर्णय घेतला तेव्हापासून शहराचे आजी, माजी लोकप्रतिनिधी व प्रशासन सतत त्रास देत आहेत. आम्ही प्रचाराला गेलो तरी मागे गुंड पाठविले जातात. सत्ताधाऱ्यांना आपला पराभव समोर दिसू लागल्याने त्यांनी हा खेळ सुरू केला आहे,’ असा आरोप शिवसेनेचे संपर्क प्रमुख संजीव भोर यांनी केला. तर निवडणूक जिंकू शकत नाही म्हणून विरोधकांना घाबरवण्याचा आणि संपवण्याचा प्रयत्न सुरू आहे, असा आरोप शिंदे यांच्या कुटुंबीयांनी केला. Ahilyangar News | दरम्यान, या छाप्यात काहीच सापडले नाही, असे प्रशासनाने सांगितले. या घटनेमुळे प्रभाग क्रमांक 15 मधील निवडणूक रणधुमाळी अधिकच पेटली असून प्रशासनाच्या भूमिकेवर प्रश्नचिन्ह उभे केले जात आहे. Ahilyangar News | हेही वाचा : “माझा उद्योजकांंना विरोध नाही, पण…”; गौतम अदानींबाबत राज ठाकरेंचा प्रश्न, फडणवीस म्हणाले…
