Navnath Waghmare:  बीडमध्ये ओबीसी आंदोलक नवनाथ वाघमारे यांनी केलेल्या एका विधानामुळे वाद निर्माण होण्याची शक्यता आहे. ‘ओबीसी समाजातील गोंडस आणि सुंदर मुलं दिसली की, मराठा समाजाच्या मुली ओबीसींच्या घरात घुसतात,’ असं वादग्रस्त वक्तव्य नवनाथ वाघमारे यांनी केलं आहे. त्यांच्या या विधानाचा व्हिडीओ सोशल मीडियावर व्हायरल होत असून, मराठा समाजाकडून वाघमारे यांच्या विधानावर संताप व्यक्त केला जात आहे.

नवनाथ वाघमारे म्हणाले, “स्वतः बावनकुळे साहेबांनी सांगितले की, माझी सून मराठा आहे, माझी बायको कुणबी आहे. त्यांच्या घरात सगेसोयरे घुसले असतील. बावनकुळे साहेबांच्या एकट्याच्याच नाही, अनेक मंत्र्यांच्या घरात मराठ्यांच्या मुली घुसलेल्या आहेत. म्हणजे ओबीसींच्या मंत्र्यांचे गोंडस मुलं आणि पैसा दिसला की मराठ्यांच्या मुली ओबीसींच्या घरात घुसल्या.

मग जर मराठ्यांच्या मुलींच्या ऐकून जर हे मंत्री जर ओबीसींचं वाटोळं करत असतील, तर त्यांनी समोर येऊन सांगावं की, आम्हाला गरीब गावगाड्यातील ओबीसींशी काही घेणं-देणं नाही. तुम्ही तुमचं बघून घ्या, आम्ही आता मराठा झालो. आमचे सगेसोयरे मराठा झालेत, आमच्या सुना मराठा झाल्या, आमच्या बायका मराठा झाल्या, आमच्याने हे होणार नाही. तुम्ही तुमचं बघून घ्या.’

पुढे वाघमारे म्हणाले, “राज्यामध्ये अनेक मंत्री फक्त त्यामुळे बोलत नाहीत. त्यांच्या घरात मराठ्यांच्या मुली आल्यात, त्यांचे नातेगोते मराठ्यांशी झालेत. त्यांचे सगेसोयरे आता मराठा झालेत. परंतु त्या मंत्र्यांनी आता बाजूला झालं पाहिजे. कारण ओबीसींसाठी आम्हाला लढावाच लागणार आहे.”

वाघमारे वक्तव्यानंतर मराठा समाजाचे आंदोलन

वाघमारे यांच्या या वक्तव्यानंतर सोलापूरच्या माढा आणि नांदेडमध्ये मराठा समाजाने तीव्र आंदोलन केले आहे. माढा येथे वाघमारे यांच्या विरोधात घोषणाबाजी करत निषेध नोंदवण्यात आला आहे. तर नांदेडमध्ये मराठा महिलांनी वाघमारे शहरात आल्यास तोंडाला काळं फासण्याचा इशारा दिला आहे. सकल मराठा समाजाकडून नांदेडमध्ये मोर्चा काढण्यात आला असून, वाघमारे यांच्यावर गुन्हा दाखल करण्याची मागणी केली जात आहे.

हेही वाचा: 

Post Meal Walk: जेवल्यावर लगेच झोपता? फक्त 10 मिनिटे चालण्याने शरीरात होतील हे ‘४’ बदल