Emily Wilson : प्रसिद्ध दिग्दर्शक ख्रिस्तोफर नोलान याच्या सिनेमांची वाट त्याचे चाहते वेड्यासारखी पाहत असतात. नोलान हा नेहमी प्रेक्षकांना सिनेमांच्या माध्यमातून काहीतरी नवं देण्याचा प्रयत्न करत असतो. आता तो ‘द ओडिसी’ या सिनेमामुळे चर्चेत आहे. या सिनेमाला भारतात देखील प्रचंड प्रेम मिळालं आहे. १७ जुलै रोजी रिलीज झालेल्या या सिनेमाने भारतात बक्कळ कमाई करत बॅाक्स अॅाफिसवर धुमाकूळ घातला आहे.

एकीकडे मोठं यश या सिनेमाला मिळालं असताना दुसरीकडे मात्र, या सिनेमाला घेऊन प्रोफेसर आणि लेखिका एमिली विल्सन यांनी सिनेमावर भाष्य करताना धक्कादायक विधान केलं आहे. या सिनेमात नोलान यांनी कोणताही सेXX सीन ठेवलेला नाही. त्यांच्या या विधानाची जोरदार चर्चा होत असून, सिनेमावर दिलेली प्रतिक्रिया देखील चर्चेत आहे.

या सिनेमाची कथा प्राचीन ग्रीक कवी होमर यांच्या ‘ओडिसी’ या प्रसिद्ध महाकाव्यावर आधारित आहे. मात्र, दिग्दर्शक क्रिस्तोफर नोलेन यांनी हा सिनेमा बनवताना प्रोफेसर Emily Wilson यांच्या इंग्रजी पुस्तकाचा ‘द ओडिसी’चा आधार घेतला होता. हे पुस्तक २०१७ साली प्रकाशित झालं होतं. या पुस्तकाची देखील मोठी चर्चा झाली होती. पुस्तकावर कौतुकाचा वर्षाव झाला याशिवाय लेखिका Emily Wilson यांची प्रशंसा करण्यात आली.

काय म्हणाल्या Emily Wilson ?

ख्रिस्तोफर नोलान यांच्या कामावर खुश नसल्याचे म्हणत Emily Wilson यांनी नकारात्मक प्रतिक्रिया दिली. त्या म्हणाल्या “होमरच्या रचनेवर छेडछाड करण्यात आली आहे. या सिनेमात इमोशनल, एथिकल, पॅालिटिकल खोलीची कमी आहे. या सिनेमात नोलान यांनी कोणताही सेXX सीन ठेवलेला नाही. लंडन बुक्स अॅाफ रिव्ह्यूमध्ये त्यांनी याविषयी एक लेख लिहिला असून त्या म्हणतात “मला आशा होती की होमरच्या थीमला प्रेरित होऊन ख्रिस्तोफर नोलान यावेळी काहीतरी वेगळं आणि हटके करणार आहेत. पण तसं झालं नाही. हा सिनेमात भव्य आहे; पण कथेत खोली नाही. काही सीन्स खरंच कौतुकास्पद आहेत.”

पुढे त्या म्हणतात, “या सिनेमात अशी कोणतीही गोष्टी नाही, ज्या होमरला महान बनवतील. हा सिनेमा वेळ, युद्ध, इतिहास यावर ठोस असं भाष्य करत नाही. कथा सांगण्याची पद्धत कृत्रिम वाटते. लिखाण पण खराब झालं आहे. कोणत्याही पात्राच्या कामाच्या मागे ठोस अशी भूमिका दिसून येत नाही.”

सिनेमाची कथा काय आहे? 

‘द ओडिसी’ हा सिनेमा एक भव्य सिनेमॅटिक अनुभव देणारा असल्याचे प्रेक्षकांकडून सांगितलं जात आहे. सिनेमाची कथा इथाकाचा ग्रीक राजा ‘ओडिसियस’ आणि ट्रोजन युद्धानंतर मायदेशी परतण्यासाठी त्यानं केलेल्या दहा वर्षांच्या प्रवासाची कथा सांगतो. यात त्याला भेटलेली माणसं, त्यानं अनुभवलेल्या घटना आणि मायदेशी असलेल्या त्याच्या कुटुंबाची बदलती परिस्थिती यांचं चित्रण करण्यात आलेलं आहे.

नऊ दिवसांत केली तब्बल ‘इतक्या’ कोटींची कमाई

हा सिनेमा १७ जुलै २०२६ रोजी जगभरात प्रदर्शित झाला आहे. सिनेमात मॅट डेमन (ओडिसियस), अ‍ॅन हॅथवे (पेनेलोप), टॉम हॉलंड (टेलेमाकस), आणि शार्लज थेरॉन (कॅलिप्सो) अशी कलाकारांची मोठी फौज आहे. या सिनेमाने भारतात केवळ ९ दिवसांत १०० कोटींहून अधिक कमाई करत सुमारे १२६.५२ कोटींचे नेट कलेक्शन केलं आहे. ख्रिस्तोफर नोलान यांच्या महागड्या सिनेमांपैकी द ओडिसी हाही एक सिनेमा आहे.

Almond Oil Benefits: महागडी ब्युटी प्रॉडक्ट्स विसरा! बदामाच्या तेलाने मिळवा चमकदार त्वचा आणि दाट केस