अकलूज : माळशिरस तालुक्यात झालेल्या जिल्हा परिषद व पंचायत समिती निवडणुकांत मोहिते-पाटील-जानकर गटाने निर्विवाद वर्चस्व प्रस्थापित केले आहे. जिल्हा परिषदेच्या 7 जागा आणि पंचायत समितीच्या 12 जागांवर विजय मिळवत या गटाने आपली ताकद सिद्ध केली. याउलट भाजपाला जिल्हा परिषदेच्या केवळ दोन जागांवर समाधान मानावे लागले असून पंचायत समितीत भाजपाला मर्यादित यश मिळाले आहे. गुरसाळे पंचायत समिती गणात अर्जुनसिंह मोहिते-पाटील यांचा पराभव झाला असला, तरी त्यांनी फोंडशिरस जिल्हा परिषद गटात विजय संपादन केला आहे. आमदार उत्तम जानकर यांचे चिरंजीव जीवन जानकर यांचा पराभव झाला असला, तरी त्यांच्या मातोश्री विमल जानकर यांनी वेळापूर पंचायत समिती गणात विजय मिळवत गटाची ताकद कायम राखली. माजी सभापती वैष्णवीदेवी मोहिते-पाटील यांनी यशवंतनगर पंचायत समिती गणातून तब्बल 5729 मतांची आघाडी घेत दणदणीत विजय मिळवला. जिल्हा परिषद निवडणुकीत बोरगाव गटातून नागनाथ भोसले हे 5065 मतांनी विजयी झाले. मांडवे गटातून गौतम माने, तर वेळापूर गटातून मीनाक्षी सरतापे यांनी मोठ्या मताधिक्याने विजय मिळवला. एकूण निकाल पाहता पंचायत समितीवर मोहिते-पाटील-जानकर गटाची एकहाती सत्ता स्थापन झाली आहे. या निकालामुळे भाजपाला आत्मचिंतन करण्याची वेळ आल्याची चर्चा राजकीय वर्तुळात सुरू आहे. माळशिरस तालुका जिल्हा परिषद निवडणूक निकाल 2026 दहीगाव गट संस्कृती सातपुते – 13,520 (भाजप) जीवन जानकर – 12,076 (राष्ट्रवादी) संस्कृती सातपुते विजयी – 1,174 मांडवे गट गौतम माने – 13,725 (राष्ट्रवादी) धर्मराज माने – 12,642 (भाजप) गौतम माने विजयी – 1,053 फोंडशिरस गट अर्जुनसिंह मोहिते-पाटील – 11,885 (राष्ट्रवादी) हरिदास वाघमोडे – 10,920 (भाजप) अर्जुनसिंह मोहिते-पाटील विजयी – 965 संग्रामनगर गट सुषमा नारनवर – 12,459 (राष्ट्रवादी अजित) मेघा कचरे – 12,095 (भाजप) सुषमा नारनवर विजयी – 364 माळीनगर गट मारुती लोंढे – 11,260 (राष्ट्रवादी) नागेश तुपसौंदर्य – 8,417 (भाजप) मारुती लोंढे विजयी – 2,843 बोरगाव गट नागनाथ भोसले – 12,741 (राष्ट्रवादी) संजय साठे – 7,676 (भाजप) नागनाथ भोसले विजयी – 5,065 वेळापूर गट मीनाक्षी सरतापे – 13,769 (राष्ट्रवादी) प्रेरणा खंडागळे – 7,794 (भाजप) मीनाक्षी सरतापे विजयी – 5,975 निमगाव गट नीलावती ठवरे – 14,670 (शिवसेना शिंदे गट) ज्योती ठवरे – 10,167 (भाजप) नीलावती ठवरे विजयी – 4,503 पिलीव गट चंद्रकांत जाधव – 12,909 (भाजप) रणजितसिंह जाधव – 12,273 (राष्ट्रवादी) चंद्रकांत जाधव विजयी – 636 पंचायत समिती निकाल गुरसाळे, दहीगाव, मांडवे, कण्हेर, भांबुर्डी, फोंडशिरस, मेडद, संग्रामनगर, माळीनगर, लवंग, जांभूड, बोरगाव, वेळापूर, यशवंतनगर, निमगाव, गोरडवाडी, पिलीव व तांदुळवाडी – बहुसंख्य गणांमध्ये राष्ट्रवादी (मोहिते-पाटील-जानकर गट) विजयी, तर भाजपाला काही गणांपुरतेच यश मिळाले.
