Kantara Public Review : गेल्या काही दिवसांपासून ज्या चित्रपटाची जोरदार चर्चा होती, अखेर तो चित्रपट आज दसऱ्याच्या मुहूर्तावर प्रदर्शित झाला आहे. अभिनेता आणि दिग्दर्शक ऋषभ शेट्टी याचा भव्यदिव्य कलाकृती असलेला ‘कांतारा चॅप्टर १’ चित्रपटाचे प्रेक्षक भरभरून कौतुक करत आहेत. खरंतर कांतारा चॅप्टर १ हा पहिल्या भागाचा म्हणजेच कांताराचा प्रीक्वल आहे. या चित्रपटाची कथा ऋषभचा अभिनय, अॅक्शन सीन्सने प्रेक्षकांना भारावून टाकले आहे.

२०२२ मध्ये ‘कांतारा’ला जे अभूतपूर्व यश मिळाले होते. तसेच किंबहुना त्याहीपेक्षा जास्त यश कांतारा चॅप्टर १ चित्रपटाला मिळणार असल्याचे सांगितले जात आहे. एका मुलाखतीत तुमच्यासाठी कांतारा काय आहे? या प्रश्नावर सगळकाही…असं एकाच शब्दांत ऋषभने दिलेले उत्तर याची प्रचिती हा चित्रपट पाहिल्यावर येते. गेल्या पाच वर्षांपासून घेतलेली मेहनत दिसत आहे. या चित्रपटातील क्लॅायमॅस हा पहिल्या चित्रपटापेक्षा वेगळा आणि थक्क करणारा असल्याचे प्रेक्षक सांगत आहे.

चित्रपटातील थ्रील आणखी वाढलेले आहे. चित्रपटाची कथा ही केवळ रुढी परंपरा यावर भाष्य करतेच, पण त्याहीपेक्षा विविध पैलू चित्रपटातून दाखवते. ऋषभ शेट्टीच्या पात्राचे पुन्हा एकदा प्रेक्षक भरभरून कौतुक करत आहे. पहिल्या चित्रपटातील वराह अवताराचेही दर्शन या चित्रपटात पुन्हा दाखविण्यात आले आहे. पहिल्या भागाच्या क्लॅायमॅक्समध्ये ज्या पद्धतीने ऋषभने अभिनय केला होता. तसाच अभिनय या भागातही आहे.

कांताराने रिलीज होण्याअगोदरच बॅाक्स अॅाफिसवर या वर्षातल्या सर्वच चित्रपटाचे रेकॅार्ड मोडत नवा इतिहास रचला आहे. मोठ्या प्रमाणार अॅडव्हॅान्स बुकिंगची तिकीटे सेल झालेली आहेत. तेलुगू फिल्मीफोकसच्या एका रिपोर्टनुसार, ‘कांतारा चॅप्टर 1’च्या प्रेक्षकांनी चित्रपटाच्या सादरीकरणाचे कौतुक केले आहे. ‘कांतारा पेक्षाही अधिक नेत्रदीपक’ असल्याचे म्हटले आहे. खरंच खूपच भव्य, शानदार आहे. चित्रपटाच्या टेक्निकल बाबींचीही खूप प्रशंसा करण्यात आली. प्रेक्षकांनी म्युझिक, बॅकग्राउंड स्कोर आणि सिनेमेटोग्राफी ‘उत्कृष्ट’ म्हणून प्रशंसा केली आहे.

हेही वाचा :खोकल्याचं औषध बनलं जीवघेणं ; २२ दिवसात ‘या’ औषधामुळे सात मुलांचा मृत्यू