नवी दिल्ली : मागील तीन दिवसांपासून  सातत्याने पेट्रोल आणि डिझेलच्या किंमतींमध्ये वाढ होताना दिसत आहे. आजही पेट्रोल आणि डिझेलच्या किंमती देशात वाढलेल्या दिसून आल्या. देशातील मोठ्या शहरांमध्ये नोंद करण्यात आलेल्या पेट्रोल आणि डिझेलच्या किंमती शंभरीपार गेल्या आहेत. त्यामुळे आज देशातील अनेक शहरांमध्ये पेट्रोलच्या किंमती सर्वाधिक झाल्याची देखील नोंद करण्यात आली आहे.

राजधानी दिल्लीमध्ये आज पेट्रोलच्या किंमती प्रतिलीटर १०२ रुपये १४ पैसे इतकी झाली आहे. आर्थिक राजधानी मुंबईत हाच आकडा १०८ रुपये १९ पैसे प्रतिलीटर इतका वाढला आहे. त्याचवेळी या दोन्ही राजधान्यांमध्ये डिझेल्या किंमती अनुक्रमे ९० रुपये ४७ पैसे आणि ९८ रुपये १६ पैसे इतकी झाली आहे.

कोलकात्यामध्ये देखील पेट्रोलने केव्हाच शंभरी गाठली आहे. आज कोलकात्यामध्ये पेट्रोल १०२ रुपये ७७ पैसे प्रतिलीटर तर डिझेल ९३ रुपये ५७ पैसे प्रतिलीटर दराने विकलं जात आहे. चेन्नईमध्ये हे दर अनुक्रमे ९९ रुपये ८० पैसे आणि ९५ रुपये ०२ पैसे प्रतिलीटर अस आहेत.

पेट्रोल आणि डिझेलचे दर प्रत्येक राज्यात वेगवेगळे असतात. राज्यांकडून लावल्या जाणाऱ्या करांमध्ये तफावत असल्यामुळे हे दर वेगवेगळे ठरतात. मात्र, पेट्रोल-डिझेलच्या किंमतींवर सर्वाधिक प्रभाव टाकणारा घटक म्हणजे आंतरराष्ट्रीय बाजारपेठेतील कच्च्या तेलाच्या किंमती. शनिवारच्या आकडेवारीनुसार या किंमती ७८.६४ डॉलर प्रतीबॅरल इतक्या आहेत.