Raj Thackeray : महाराष्ट्र नवनिर्माण सेनेचे अध्यक्ष राज ठाकरे रायगड दौऱ्यावर असून, ते मुंबई-गोवा महामार्गाची पाहणी करत आहेत. या पाहणीअगोदर पार पडलेल्या पत्रकार परिषदेतून राज ठाकरेंनी सरकारवर जोरदार हल्लाबोल केला.

“राजकीय हस्तपेक्षामुळे मुंबई-गोवा महामार्ग रखडला, कोकणात फिरल्यानंतर रस्ते लागणं काय असतं कळतं.” असे वक्तव्य राज ठाकरेंनी करत संताप व्यक्त केला.

राज ठाकरे म्हणाले “कोकणातली स्थिती पाहिली, तर विकास नको अशी सध्या परिस्थिती आहे. १५ वर्षे झाले, मुंबई-गोवा महामार्ग होणार असं ऐकतोय. आपल्या राज्यातील रस्ता कसा नीट होईल, याचा विचार केला जात नाही.” अशी खंत त्यांनी व्यक्त केली.

तसेच पत्रकार परिषदेत बोलताना राज ठाकरेंनी केंद्रीय रस्ते वाहतूक मंत्री नितीन गडकरी यांच्यासोबतच्या फोन संवादाची आठवण सांगत महत्वाचा सवाल उपस्थित केला. मुंबई-गोवा महामार्गाबाबत मागे एकदा मी केंद्रीय रस्ते वाहतूक आणि महामार्ग मंत्री नितीन गडकरी यांना फोन केला होता. त्यावेळी ते मला म्हणाले की, कंत्राटदार कंटाळून पळून गेले. पण मग ते कुणामुळे पळून गेले. एवढा स्थानिक राजकीय हस्तक्षेप का? हे सांगताना राज ठाकरेंनी कामापेक्षा आपल्याला टक्के कसे मिळतील याचाच विचार केला जातोय, असा आरोप केला.

उद्योगांमध्ये भागीदार व्हा, जमिनी विकू नका: राज ठाकरे 

जमीन विकणं एवढाच धंदा सध्या महाराष्ट्रात सुरु आहे. माझा विकासाला विरोध नाही. परंतु इथल्या स्थानिक लोकांना अंधारात ठेवू नका, असेही राज ठाकरे म्हणाले. निधी येत असेल तरी बदल घडतोय का? परिस्थिती जैसे थेच आहे. तिसऱ्या मुंबईमध्ये सरकार एवढं सगळं आणतंय मात्र ज्या ठिकाणी ही मुंबई वसवली जाते आहे. तिथल्या मुलांना माहिती आहे का की आपल्याकडे एवढं सगळं बांधतायत? ही विकास जर स्थानिकांच्या वाट्याला येणार नसेल, तर मग काय कामाचा? इथे तुम्ही स्थानिक मुलांना नोकऱ्या, रोजगार देणार की पुन्हा बाहेरून आणून कामगार वसवणार? असे सवाल उपस्थित करत उद्योगांमध्ये भागीदार व्हा, जमिनी विकू नका, असा मोलाचा सल्ला राज ठाकरेंनी स्थानिकांना दिला.

Milk Price Hike: ‘या’ दिवसापासून आता दुधाचे दर पुन्हा वाढणार ; नवीन दरांविषयी जाणून घ्या