Kartik Aaryan : आजकाल अनेक जुने चित्रपट एकामागून एक चित्रपटगृहांमध्ये पुन्हा प्रदर्शित केले जात आहेत. अशा पुन्हा प्रदर्शित झालेल्या चित्रपटांना चांगला प्रतिसाद प्रेक्षकांनकडून मिळत आहे. बॅालीवूडचा प्रसिद्ध अभिनेता कार्तिक आर्यनचा देखील एक जुना चित्रपट पुन्हा चित्रपटगृहात प्रदर्शित होत आहे. कार्तिक सध्या त्याच्या आगामी नागझिला चित्रपटाच्या शूटिंगमध्ये व्यस्त आहे. हा चित्रपट या वर्षी प्रदर्शित होणार आहे. अशातच अभिनेत्याने चाहत्यांसाठी एक आनंदाची बातमी धूलिवंदनच्या दिवशी शेअर केली आहे. त्याचा अत्यंत गाजलेला जुना चित्रपट पुन्हा चित्रपटगृहात प्रदर्शित करण्यात येणार आहे. “सोनू के टीटू की स्वीटी” हा चित्रपट निर्मात्यांनी पुन्हा थिएटरमध्ये प्रदर्शित करण्याचा निर्णय घेतला आहे. हा चित्रपट २०१८ मध्ये प्रदर्शित झाला होता. या चित्रपटाने कार्तिकला मोठी लोकप्रियता मिळवून दिली. आता हा चित्रपट होळीनंतर मोठ्या पडद्यावर दाखवला जाणार असल्याचे निर्मात्यांनी जाहीर केले आहे. सोमवारी कार्तिक आर्यनने त्याच्या इंस्टाग्राम अकाउंटवर सोनू के टीटू की स्वीटी हा चित्रपट पुन्हा चित्रपटगृहात प्रदर्शित करण्यात येणार असल्याचे पोस्टद्वारे जाहीर केले. अभिनेत्याने चित्रपटाचा एक खास व्हिडिओ देखील शेअर केला आहे. या पोस्टमध्ये कार्तिकने ‘या शुक्रवारी… मोठ्या पडद्यावर पुन्हा एकदा हास्य आणि भावनांना उजाळा द्या! #SonuKeTituKiSweety ६ मार्च रोजी थिएटरमध्ये पुन्हा प्रदर्शित होत आहे!’ असे लिहिले आहे. View this post on Instagram A post shared by KARTIK AARYAN (@kartikaaryan) “सोनू के टीटू की स्वीटी” चित्रपटाचे दिग्दर्शन लव रंजन यांनी केले असून, लव फिल्म्स आणि टी-सीरीज फिल्म्स निर्मित या चित्रपटात नुश्रत भरुचा आणि सनी सिंग या कलाकाराच्या देखील महत्वाच्या भूमिका आहेत. मैत्री आणि प्रेम यांच्यातील एक भावनिक नाते एका वेगळ्या पद्धतीने दाखवण्यात आले होते. महत्वाचे म्हणजे चित्रपटाचे बजेट २५ कोटी रुपये इतकेच होते. चित्रपटाने तब्बल १५६ कोटी रुपयांचा व्यवसाय केला होता. हेही वाचा : Iran Earthquake: मोठी बातमी ! अमेरिकेच्या क्षेपणास्त्र हल्ल्यांमुळे इराणला ४.३ तीव्रतेच्या भूकंपाचा धक्का
