Subedar trailer : ९० च्या दशकात आपल्या दमदार अभिनयाने प्रेक्षकांच्या मनावर अधिराज्य गाजवणारे अभिनेते म्हणजे अनिल कपूर. त्यांच्या आजवरच्या चित्रपटसृष्टीतील कारकीर्दीवर नजर टाकल्यास त्यांचा ओरा काय लेव्हलचा आहे, हे लक्षात येते. गेल्या काही दिवसांपूर्वी त्यांच्या बहुप्रतिक्षित सुबेदार चित्रपटाचा टीझर रिलीज झाला होता. आता या चित्रपटाचा ट्रेलर प्रेक्षकांच्या भेटीला आला आहे. या चित्रपटाद्वारे पुन्हा एकदा अनिल कपूर त्यांच्या अॅक्शन अवतारात परतले आहेत. भारतामध्ये काही ठिकाणी सुरू असलेल्या अवैध वाळू उपसा प्रकरणावर या चित्रपटाची कथा आधारित आहे. अनिल कपूर सुबेदार अनिल मोर्याच्या भूमिकेत आहे. चित्रपटाचा ट्रेलर लक्ष वेधून घेणारा आहे. आता चाहत्यांना या चित्रपटाच्या रिलीजची उत्सुकता लागली आहे. सुबेदार हा चित्रपट ५ मार्च रोजी प्राइम व्हिडिओ या ओटीटी माध्यमावर हिंदी, तमिळ आणि तेलुगू भाषेत रिलीज करण्यात येणार आहे. ट्रेलरमध्ये चित्रपटातील अनेक लक्षवेधक सीन्सची झलक पाहायला मिळते. बेकायदेशीर वाळू उत्खनन सुरू आहे, अशा ठिकाणापासूनच ट्रेलरची सुरूवात होते. भयान शांतता असलेल्या या परिसरामध्ये, रिटायर्ड सुबेदार अर्जुन मौर्य आपल्या भूतकाळाच्या ओझ्याने घरी परततो. त्याला एका प्रिन्सची आणि दीदीची भेट होते. तिथून पुढे नेमकं काय काय घडतं जातं त्याचा सुबेदार अनिल मौर्य याच्यासोबत काय संबंध आहे, हे सुबेदार रिलीज झाल्यानंतर समजेल. तूर्तास या चित्रपटाची कथा ट्रेलरवरून खिळवून ठेवणारी असल्याचे दिसते. या चित्रपटात अनिल कपूर यांच्यासह मुख्य भूमिकेत राधिका मदान आहे. सौरभ शुक्ला, आदित्य रावल, फैसल मलिक, मोना सिंह या कलाकारांच्या देखील विशेष भूमिका आहेत. सुरेश त्रिवेणी यांनी सुभेदार चित्रपटाचे दिग्दर्शन केले असून, विक्रम मल्होत्रा, अनिल कपूर आणि सुरेश त्रिवेणी निर्माते आहेत. हेही वाचा : Eye Structure: बोलके डोळे… रचना, कार्य आणि दृष्टीमागचं जाणून घ्या विज्ञान!
