Nana Patekar : ज्येष्ठ अभिनेते नाना पाटेकर यांच्या निधनाने चित्रपटसृष्टीसह त्यांच्या असंख्य चाहत्यांवर शोककळा पसरली आहे. वयाच्या ७५व्या वर्षी त्यांनी अखेरचा श्वास घेतला. गोव्यातील डोना पौला येथील त्यांच्या निवासस्थानी ते बेशुद्ध अवस्थेत आढळले. त्यानंतर त्यांना तातडीने रुग्णालयात दाखल करण्यात आले. मात्र, डॉक्टरांनी त्यांना मृत घोषित केले. नाना पाटेकर यांनी साकारलेल्या अनेक भूमिका लोकप्रिय ठरल्या. त्यांना मोठे फेम मिळाले. त्यांचे करोडो चाहते आहेत. मात्र, त्यांच्या खाजगी आयुष्यात मोठी उलथापालथ झाली होती.

नाना पाटेकर यांचा १९७८ मध्ये नीलकांती पाटेकर यांच्यासोबत विवाह केला होता. दोघांचं वैवाहिक नातं काही काळ सुरळीत सुरू होतं. मात्र, नंतर दोघेही विभक्त झाले. विशेष म्हणजे, आपल्या वैयक्तिक आयुष्याबाबत नाना पाटेकर यांनी सार्वजनिकरित्या फारशी चर्चा केली नाही. नाना पाटकरे यांना दोन मुलं होती. एका मुलाचे वयाच्या अडीच वर्षांचा असताना निधन झालं होतं. याविषयी त्यांनी स्वत: एका मुलाखतीत सांगितलं होतं. त्यांच्या दुसऱ्या मुलाचे नाव मल्हार असून तो चित्रपट दिग्दर्शक आहे. नानांचे आईसोबत जिव्हाळ्याचे नाते राहिले होते. अनेक मुलाखतीत त्यांनी आईच्या आठवणींना उजाला दिला आहे.

असा आहे नाना पाटेकरांचा परिवार….

१९७८ मध्ये झाले नीलकांती यांच्यासोबत लग्न. यानंतर काही वर्षांनी ते विभक्त झाले.

मुलाचे नाव मल्हार पाटेकर असून तो चित्रपट दिग्दर्शक आहे.

नानांच्या दुसऱ्या मुलाचे नाव दुर्वासा होतं, ज्याचे वयाच्या अडीच वर्षांचा असताना आजारपणामुळे निधन झालं.

वडिलांचे नाव गजानन पाटेकर होते. त्यांचा वस्त्रोद्योग व्यवसायात होता.

आईचे नाव निर्मला पाटेकर होते. जानेवारी २०१९ मध्ये वयाच्या ९९ व्या वर्षी त्यांचं निधन झालं.

अशोक आणि दिलीप पाटेकर नानांच्या दोन भावंडांची नाव

रंगभूमीपासून अभिनयाच्या प्रवासाला सुरुवात करणाऱ्या नाना पाटेकर यांनी मराठी तसेच हिंदी चित्रपटसृष्टीत आपल्या अभिनयाचा ठसा उमटवला. त्यांच्या दमदार संवादफेकीमुळे आणि विविधांगी भूमिकांमुळे ते प्रेक्षकांच्या मनात कायमचे घर करून राहिले. त्यांच्या निधनाने भारतीय चित्रपटसृष्टीने एक प्रतिभावान आणि अष्टपैलू अभिनेता गमावल्याची भावना व्यक्त केली जात आहे.

Sharad Pawar on Nana Patekar : ‘एक असामान्य पर्व संपलं…’; नाना पाटेकरांच्या निधनाने शरद पवार भावुक, म्हणाले- ‘अमिट छाप सदैव स्मरणात राहील’