मास्क लावण्यास सांगितल्याने नगरसेवक फौजदारावरच चिडला!

सातारा(प्रतिनिधी)-म्हसवड शहरातील बाजारपेठेत मास्क न लावता फिरल्याचा जाब विचारल्याने फौजदाराला दमदाटी करणार्‍या नगरसेवक अकील काझी याच्यावर म्हसवड पोलीस ठाण्यात सरकारी कामात अडथळा आणल्याचा गुन्हा दाखल झाला आहे. याप्रकरणी फौजदार अमोल कदम यांनी फिर्याद दिली आहे.

याबाबत अधिक माहिती अशी की, सध्या करोनाचा प्रसार वाढत असल्याने लोकांनी सोशल डिस्टन्स ठेवणे तसेच तोंडाला मास्क लावणे गरजेचे आहे. असे असतानाही नगरसेवक काझी हे मास्क लावता बाजारपेठेत थांबले होते. याबाबत फौजदार कदम यांनी त्यांना जाब विचारत तोंडाला मास्क लावण्याबाबत सुचना केली.

दरम्यान, त्यामुळे चिडलेल्या काझी यांनी “मी नगरसेवक आहे जा तूला काय करायचे ते कर” असे म्हणत कदम यांना धक्काबुक्की केल्याचे फिर्यादीत म्हटले आहे.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.