Controversy over Jat movie scene | १० एप्रिल रोजी सनी देओलचा जाट हा बहुप्रतिक्षित चित्रपट थिएटरमध्ये रिलीज झाला. या चित्रपटाला प्रेक्षकांचा उदंड प्रतिसाद लाभताना दिसत असून आतापर्यंत ५० कोटी रुपयांची कमाई चित्रपटाने केली आहे. बॅाक्स अॅाफिसवर जाटला चांगला प्रतिसाद मिळत असताना आता चित्रपट एका कारणामुळे वादात सापडला आहे. जाट चित्रपटात दाखवण्यात आलेल्या एका सीनमुळे नवा वाद निर्माण झाला आहे. या चित्रपटात अभिनेता रणदीप हुडा देखील मुख्य भूमिकेत आहे. चित्रपटातील एका सीनवरून गोंधळ उडाला आहे. हा सीन रणदीप हुडावर चित्रित करण्यात आला आहे. सीनमध्ये रणदीप हुडा चर्चमध्ये उभा असल्याचे दाखवण्यात आले आहे. यामुळे ख्रिश्चन समुदायाने या चित्रपटावर बंदी घालण्याची मागणी केली आहे. भावना दुखावल्या चित्रपटात चर्चमधील हिंसाचार दाखवण्यात आला आहे. यामुळे ख्रिश्चन समुदाय याचा विरोध करत आहे. ज्या सीनमुळे वाद निर्माण झाला आहे किंवा चित्रपटाला विरोध दर्शवला जात आहे, तो सीन ट्रेलरमध्ये दाखवण्यात आला होता. या सीनमुळे ख्रिश्चन समुदायातील लोकांच्या भावना दुखावल्या गेल्या आहेत. त्यामुळे समुदायातील नागरिकांनी चित्रपटावर बंदी घालण्याची मागणी केली आहे. यासंदर्भातील एक व्हिडिओ सोशल मीडियावर व्हायरल होत आहे. या व्हिडिओत रणदिप हुडा विरोधात घोषणाबाजी केली जात आहे. ख्रिश्चन समुदायाच्या लोकांच्या भावना दुखावल्यामुळे त्यांनी सिनेमागृहाबाहेर निदर्शने करण्याचे ठरवले होते. मात्र, पोलिसांनी निर्दर्शने रोखली आहेत. जाट चित्रपटाविषयी बोलायचे झाल्यास सनी देओल या चित्रपटात मुख्य भूमिकेत आहे. तर रणदीप हुडा खलनायकाच्या भूमिकेत आहे. याशिवाय विनीत सिंग, सयामी खेर, रम्या कृष्णन, प्रशांत बजाज, जरीना वहाब यांसारखे कलाकार देखील या चित्रपटात आहेत. आतापर्यंत मिळालेल्या आकडेवारीनुसार जाटने ५० कोटींचा गल्ला जमविला आहे.
