TMC Diwali Bonus : ठाणे महानगरपालिका आणि परिवहन सेवेतील कर्मचाऱ्यांना दिवाळीनिमित्त प्रत्येकी २५ हजार रुपये बोनस देण्याचा निर्णय प्रशासनाने घेतला आहे. बोनसची रक्कम दिवाळीपूर्वीच कर्मचाऱ्यांच्या बँक खात्यात जमा केली जाणार आहे.

या निर्णयाचा लाभ महापालिकेचे ६ हजार २९४ नियमित कर्मचारी, परिवहन सेवेतील १ हजार २८५ कायम कर्मचारी आणि ३६८ कंत्राटी व इतर कर्मचाऱ्यांना मिळणार आहे. या बोनससाठी महापालिकेच्या तिजोरीवर सुमारे २० कोटी ११ लाख रुपयांचा आर्थिक भार पडणार आहे.

गेल्या वर्षी कर्मचाऱ्यांना २४ हजार ५०० रुपये बोनस देण्यात आला होता. यंदा त्यात ५०० रुपयांची वाढ करून २५ हजार रुपये देण्याचा निर्णय घेण्यात आला आहे. त्यामुळे महापालिका आणि परिवहन सेवेतील कर्मचाऱ्यांना दिवाळीच्या खरेदीसाठी आर्थिक मदत मिळणार आहे.