Thalapathy Vijay TVK Party: तमिळनाडूच्या राजकारणात एका नव्या विजयाचे पर्व सुरू होणार आहे. तमिळनाडूच्या राजकारणात अभिनेते थलपती विजय यांच्या प्रवेशाने पहिल्याच विधानसभा निवडणुकीत टीव्हीकेनं जोरदार प्रभाव पाडला आहे. विजय यांच्या ‘तमिळगा वेत्री कळघम’ (TVK) या नव्या पक्षाने तामिळनायडूतील राजकीय समीकरणे पूर्णत: बदलून टाकले आहे. थलपती विजय याला तामिळनाडूच्या जनतेने भरभरुन मतदान केलं आहे. सकाळपासून सुरु असलेल्या मतमोजणीत थलपती विजय याचा TVK पक्ष सर्वात जास्त आघाडीवर दिसत आहे. आतापर्यंत समोर आलेल्या कलांनुसार, थलपती विजय यांचा टीव्हीके 100 हून अधिक जागांवर आघाडीवर आहे. विशेष म्हणजे सत्ताधारी DMK पक्ष हा थेट तीन नंबरवर गेला आहे. तर AIADMK पक्ष सध्या दुसऱ्या क्रमांकावर आघाडीवर आहे. DMK आणि AIADMK हे पक्ष अनेक वर्षांपासून तामिळनाडूत आहेत. दोन्ही पक्षांची अनेकदा तामिळनाडूत आलटूनपालटून सत्ता देखील राहिलेली आहे. पण या दोन्ही पक्षांच्या वर्चस्वाला थलपती विजयने जोरदार धक्का दिला आहे. (Thalapathy Vijay TVK Party) Tamilnad Election Results 2026 तामिळनाडूत सिनेमातील ‘हिरो’ हे नागरिकांच्या खऱ्या आयुष्यातही ‘हिरो’ बनताना दिसतात. त्यांना आपल्या भाषेप्रती, आपल्या राज्याप्रती आणि आपल्या नागरिकांप्रती इतकं प्रेम आणि जिव्हाळा असतो की, त्यांनी निवडणूक लढवली तरी जनता त्यांना भरघोस प्रतिसाद देवून निवडून आणू शकते. याचा प्रत्यय अभिनेता थलपती विजयच्या बाबतही घडल्याचे दिसते. वर्षाला 6 एलपीजी सिलिंडर मोफत, गृहिणींना दरमहा 2500 रुपये (Thalapathy Vijay TVK Party) विशेष म्हणजे विजय यांनी जाहीरनाम्यात सर्वसामान्यांच्या समस्यांचा विचार करुन प्रसिद्ध केलेल्या जाहीरनाम्याचा येथे फरक पडल्याचे दिसत आहे. मध्य प्रदेश आणि महाराष्ट्राप्रमाणे टीव्हीकेच्या प्रमुख कल्याणकारी आश्वासनांमध्ये गृहिणींना दरमहा 2500 रुपये देण्याचा समावेश आहे. याशिवाय अन्नपूर्णा सुपर सिक्स योजनेच्या माध्यमातून प्रत्येक कुटुंबाला वर्षाला 6 एलपीजी सिलिंडर मोफत देण्याचं आश्वासन देण्यात आलं. टीव्हीकेनं ‘अण्णन सीर थिट्टम’योजनेदरम्यान बहिणी आणि मुलींच्या लग्नासाठी 8 ग्रॅम सोनं दान करण्याचं वचन दिलं. इतकंच नव्हे तर रेशमी साड्या दान करण्याच्या योजनेनंही लक्ष वेधून घेतलं. महिलांचा प्रवास सुकर व्हावा यासाठी त्यांना सरकारी बसमधून मोफत प्रवासाचं आश्वासन देण्यात आलं होतं. ज्येष्ठ नागरिक, विधवा आणि अपंग व्यक्तींना दरमहा 3000 रुपये दिले जातील आणि पेन्शन योजनेची व्याप्ती 15 लाख लोकांपर्यंत वाढवली जाईल. या जाहिरनाम्यात महिलांसाठीच्या विशेष योजनांचाही उल्लेख आहे. पदवीधारांना 4000 रुपये आणि डिप्लोमा धारकांना 2500 रुपये बेरोजगारी भत्ता देण्याचं आश्वासन आहे. इंटर्नशिपसाठी 5000 ते 8000 रुपयांचं विद्यावेतन दिलं जाईल, असंही त्यात सांगण्यात आलं आहे. तर पाच लाख तरुणांसाठी 18000 रुपयांची रोजगार संबंधित सहाय्यता योजनाही प्रस्तावित आहे. तर शिक्षणावर लक्ष केंद्रीत करत इयत्ता पहिली ते बारावीमध्ये शिकणाऱ्या विद्यार्थ्यांना दरवर्षी 15 हजार रुपयांची मदत देण्याची घोषणा करण्यात आली. प्रत्येक कुटुंबाला दरवर्षी 200 युनिट मोफत वीज, नळाद्वारे पिण्याचं पाणी आणि सहा मोफत एलपीजी सिलिंडर देण्याचं आश्वासन देण्यात आलं आहे. मजुरांसाठी, अंगणवाडी सेविकांना 18000 रुपये, स्वच्छता कर्मचाऱ्यांना 10 हजार रुपये देण्याचा प्रस्ताव आहे. Baramati By-election 2026 : मोठी बातमी! सुनेत्रा पवारांविरोधात शड्डू ठोकणारे 22 उमेदवार अडचणीत, नेमकं प्रकरण काय? पदार्पणातच टीव्हीकेची कामगिरी दमदार दरम्यान, तमिळनाडूमध्ये सत्ताधारी डीएमकेसह आघाडीला सलग दुसऱ्यांदा सत्ता मिळण्याचे अंदाज मतदानोत्तर चाचण्यांमधून व्यक्त झालं होतं. मात्र अभिनेता थलपती विजय यांच्या टीव्हीके पक्षामुळे यंदाची लढाई तिहेरी आणि तितकीच चुरशीची झाली आहे. विजय स्वत: पेरांबूर आणि तिरुचिरापल्ली पूर्व या दोन मतदारसंघातून निवडणूक लढवत आहेत. मात्र पदार्पणातच टीव्हीकेची कामगिरी दमदार असल्याचं पहायला मिळतंय. तमिळनाडूमध्ये सरकार स्थापन करण्यासाठी एकूण 234 जागांपैकी 118 जागांचा जादुई आकडा आहे. विजय यांनी 2024 मध्ये ‘तमिळगा वेत्री कळघम’ या पक्षाची स्थापना केली. त्यानंतर पहिल्यांदाच ते निवडणूक लढवत आहेत. हेही वाचा: Udhayanidhi Stalin : सनातन विरोधी उदयनिधी स्टॅलिन यांना मोठा धक्का ; चेपौकम सीटवर पिछाडीवर
