अभिनेता करण कुंद्रा आणि तेजस्वी प्रकाश दीर्घकाळापासून एकमेकांना डेट करत आहे. त्यांच्या लग्नाबद्दल अनेकदा प्रश्न विचारले जातात. तेजस्वी प्रकाश कधी लग्न करणार याची चाहत्यांनाही प्रतीक्षा आहे. पापाराझी देखील अनेकदा अभिनेत्रीला हा प्रश्न विचारतात. जेव्हा ही अभिनेत्री तिच्या आईसोबत गणपती स्पेशल एपिसोड ‘खुशियों का गणपती’मध्ये दिसली तेव्हा अनेक रंजक खुलासे झाले. तेजस्वी प्रकाशच्या लग्नाचीही चर्चा झाली आणि अभिनेत्रीच्या आईने  खुलासा केला.

‘खुशियों का गणपती’ सुगंधा मिश्रा यांनी होस्ट केला होता. यामध्ये सर्वांनी गणपती बाप्पाची पूजा करून उत्सव साजरा केला यावेळी करण कुंद्रा आणि तेजस्वी प्रकाश यांच्या नात्याचीही चर्चा झाली. सुगंधाने तेजस्वी प्रकाशच्या लग्नाच्या नियोजनाबद्दल विचारले असता, अभिनेत्रीची आई म्हणाली, ‘हो, प्रत्येकजण विचारते. लग्न कधी करणार आहे हे प्रत्येकाला जाणून घ्यायचे असते.

वर सापडला आहे का, असे विचारले असता तेजस्वी प्रकाश लाजली आणि म्हणाली की, वराचा शोध अजूनही सुरू आहे. पण हे ऐकून  तिची  आई म्हणाली, ‘नाही झाले’. म्हणजे तेजस्वीसाठी वराची निवड झाली आहे. हे ऐकून सगळे हसले आणि आनंदी झाले.

तेजस्वी प्रकाश आणि करण कुंद्रा यांची पहिली भेट ‘बिग बॉस 15’ या रिॲलिटी शोमध्ये झाली होती. येथूनच त्यांची प्रेमकहाणी सुरू झाली होती. यानंतर तेजस्वी प्रकाश टीव्ही शो ‘नागिन 6’ मध्ये दिसली होती. सध्या तेजस्वी प्रकाश इतर काही कार्यक्रम आणि शोमध्ये व्यस्त आहे. अलीकडेच ती आणि करण कुंद्रा त्यांच्या लंडन ट्रिपवरून परतेल. हे जोडपे अनेकदा सोशल मीडियावर रोमँटिक फोटो आणि व्हिडिओ शेअर करत असतात.