India Wicketkeeper Announces Retirement : टीम इंडियाने नुकतीच न्यूझीलंडविरुद्ध तीन सामन्यांची कसोटी मालिका खेळली. या मालिकेत टीम इंडियाला 0-3 असा पराभव स्वीकारावा लागला होता. भारतीय क्रिकेटच्या इतिहासात टीम इंडियाचा घरच्या भूमीवर तीन सामन्यांच्या कसोटी मालिकेत व्हाईटवॉश होण्याची ही पहिलीच वेळ होती. आता या लाजिरवाण्या पराभवानंतर टीम इंडियाच्या यष्टीरक्षक फलंदाजाने अचानक निवृत्ती जाहीर केली आहे.
बंगालकडून रणजी ट्रॉफीमध्ये खेळणारा भारताचा स्टार यष्टीरक्षक फलंदाज रिद्धिमान साहा याने सोशल मीडियाच्या माध्यमातून निवृत्तीची घोषणा केली. यावेळी तो त्याच्या कारकिर्दीतील शेवटचा रणजी हंगाम खेळत असल्याचे साहाने सांगितले. 2021 मध्ये त्याने टीम इंडियासाठी शेवटचा सामना खेळला होता.
सोशल मीडियावर शेअर केलेल्या पोस्टमध्ये साहाने लिहिले आहे की, “क्रिकेटमधील संस्मरणीय प्रवासानंतर, हा हंगाम माझा शेवटचा असेल. शेवटच्या वेळी बंगालचे प्रतिनिधित्व करण्याचा मला सन्मान वाटतो. मी निवृत्तीपूर्वी केवळ रणजी ट्रॉफीमध्ये खेळत आहे, चला हा मोसम संस्मरणीय बनवूया.”
After a cherished journey in cricket, this season will be my last. I’m honored to represent Bengal one final time, playing only in the Ranji Trophy before I retire. Let’s make this season one to remember! pic.twitter.com/sGElgZuqfP
— Wriddhiman Saha (@Wriddhipops) November 3, 2024
माजी कर्णधार एमएस धोनीच्या निवृत्तीनंतर साहाकडे काही काळ भारतीय कसोटी संघाचा कायमस्वरूपी यष्टीरक्षक म्हणून पाहिले जात होते. तथापि, त्यानंतर 2021 मध्ये, भारतीय संघ व्यवस्थापनाने साहाला संघातून काढून टाकण्याचा निर्णय घेतला आणि ऋषभ पंतचा बॅकअप म्हणून केएस भरतची निवड करण्यात आली. मात्र, आता भारतही टीम इंडियाच्या सेटअपमधून जवळपास बाहेर पडला आहे. आजकाल ध्रुव जुरेलला कसोटी टीम इंडियामध्ये पंतचा बॅकअप म्हणून पाहिले जाते.
ऋद्धिमान साहाची आंतरराष्ट्रीय कारकीर्द….
रिद्धिमान साहाने आपल्या करिअरमध्ये टीम इंडियासाठी 40 कसोटी आणि 09 वनडे खेळले आहेत. कसोटीच्या 56 डावांमध्ये त्याने 29.41 च्या सरासरीने 1353 धावा केल्या ज्यात 3 शतके आणि 6 अर्धशतकांचा समावेश आहे. याशिवाय साहाने वनडेच्या 5 डावात 41 धावा केल्या आहेत. वृद्धिमान साहाने प्रथम श्रेणी क्रिकेटमध्ये पश्चिम बंगाल व त्रिपुरा संघाचे प्रतिनिधित्व केले. त्याने 138 लढती खेळाताना 7 हजारांपेक्षा अधिक धावा केल्या. यामध्ये एका द्विशताकाचा देखील समावेश आहे. त्याने 41.74 च्या सरासरीने 14 शतके व 43 अर्धशतके झळकावली आहेत.
