Auto News : भारतीय ऑटोमोबाइल बाजारात ऑगस्ट महिन्यात मोठा उलटफेर पाहायला मिळाला आहे. टाटा मोटर्सची लोकप्रिय मायक्रो-एसयूव्ही टाटा पंच देशातील सर्वाधिक विक्री होणारी कार ठरली आहे. पंचने मारुती सुझुकीच्या लोकप्रिय मॉडेल्सना मागे टाकत पहिला क्रमांक मिळवला आहे.

पंचच्या विक्रीत तब्बल ९९ टक्के वाढ

ऑगस्ट २०२६ मध्ये टाटा पंचच्या २१,३२० युनिट्स विकल्या गेल्या. ऑगस्ट २०२५ मध्ये हीच संख्या १०,७०४ होती. त्यामुळे पंचच्या विक्रीत वर्षभरात तब्बल ९९ टक्क्यांची वाढ झाली आहे. विक्री जवळपास दुप्पट झाल्याने पंचने पहिल्या क्रमांकावर झेप घेतली.

वॅगनआर दुसऱ्या क्रमांकावर

मारुती सुझुकीची वॅगनआर २०,१८० युनिट्सच्या विक्रीसह दुसऱ्या क्रमांकावर राहिली. गेल्या वर्षी ऑगस्टमध्ये तिची १४,५५२ युनिट्स विकली होती. यंदा तिच्या विक्रीत वार्षिक आधारावर ३९ टक्क्यांची वाढ झाली.

स्विफ्ट तिसऱ्या स्थानी

मारुती सुझुकी स्विफ्ट १९,८३२ युनिट्सच्या विक्रीसह तिसऱ्या क्रमांकावर आहे. गेल्या वर्षी ऑगस्टमध्ये स्विफ्टच्या १२,३८५ युनिट्स विकल्या होत्या. यंदा तिच्या विक्रीत ६० टक्क्यांची वाढ झाली. पंच आणि स्विफ्टच्या विक्रीत केवळ १,४८८ युनिट्सचा फरक आहे.

फ्रॉन्क्स चौथी, एर्टिगा पाचवी

मारुती सुझुकी फ्रॉन्क्स १८,७३० युनिट्सच्या विक्रीसह चौथ्या क्रमांकावर राहिली. गेल्या वर्षीच्या १२,४२२ युनिट्सच्या तुलनेत तिच्या विक्रीत ५१ टक्क्यांची वाढ झाली.

तर मारुती सुझुकी एर्टिगा १८,५१६ युनिट्सच्या विक्रीसह पाचव्या क्रमांकावर आहे. गेल्या वर्षी १८,४४५ युनिट्स विकल्या गेल्या होत्या. त्यामुळे तिच्या विक्रीत केवळ ७१ युनिट्सची वाढ झाली.

टाटा पंचच्या लोकप्रियतेमागे पेट्रोल, टर्बो-पेट्रोल, सीएनजी आणि इलेक्ट्रिक असे विविध पर्याय उपलब्ध असणे हे महत्त्वाचे कारण मानले जाते. विविध बजेटमधील ग्राहकांना आकर्षित करणारे पर्याय आणि सुरक्षेवर दिलेला भर यामुळे पंचच्या विक्रीला मोठी चालना मिळाल्याचे दिसते.