Tata Motors New Car: भारतीय ग्राहकांमध्ये टाटा कंपनीच्या कार विशेष लोकप्रिय आहेत. तुम्ही जर नवीन गाडी खरेदी करण्याचा विचार करत असाल तर टाटाच्या नवीन कार लवकरच लाँच होणार आहेत. कंपनी वर्ष 2025 मध्ये इलेक्ट्रिक मॉडेलसह अनेक मॉडेल लाँच करणार आहे. यावर्षात येणाऱ्या टाटाच्या काही कार्सविषयी सविस्तर जाणून घेऊयात.

Tata Harrier EV

टाटाने काही दिवसांपूर्वीच ऑटो एक्स्पोमध्ये Harrier EV ला सादर केले होते. कंपनी मार्चमध्ये या इलेक्ट्रिक कारची विक्री सुरू करणार आहे. कंपनीकडून अद्याप गाडीच्या किंमतीबाबत माहिती देण्यात आलेली नाही. कंपनीकडून मार्चमध्येच विक्रीसोबत किंमतीचा खुलासा केला जाऊ शकतो. ही इलेक्ट्रिक कार सिंगल चार्जमध्ये 500 किमीपर्यंत रेंज ऑफर करू शकते.

Tata Sierra EV & ICE

Tata Sierra EV & ICE ला देखील 2025 ऑटो एक्स्पोमध्ये सादर करण्यात आले होते. यावर्षाच्या अखेरीस कंपनी या कारची विक्री सुरू करण्याची शक्यता आहे. टाटा सिएरामध्ये 1.5-लीटर tGDi पेट्रोल आणि 2.0-लीटर टर्बो डिझेल इंजिन दिली जाईल. कारच्या इलेक्ट्रिक मॉडेलबाबत अद्याप कोणती अधिकृत माहिती देण्यात आलेली नाही.

Tata Punch Facelift

कंपनीने गेल्यावर्षी या कारला नवीन फीचर्ससह सादर केले होते. आता कंपनी पंचचे नवीन मॉडेल यावर्षी लाँच करण्याची शक्यता आहे. कंपनीच्या पंच फेसलिफ्ट मॉडेलला अनेकदा टेस्टिंगदरम्यान पाहण्यात आले आहे. या कारची किंमत 6 ते 11 लाख रुपयांपर्यंत असण्याची शक्यता आहे. कंपनीकडून गाडीच्या किंमतीबाबत अद्याप कोणतीही अधिकृत माहिती देण्यात आलेली नाही. त्यामुळे लाँचनंतर या गाड्यांच्या किंमतीचा खुलासा होईल.