Neelam Kothari : बॅालिवूड इंडस्ट्रीत कोणताही अभिनेता आणि अभिनेत्री दोघांचे एकामागून एक चित्रपट एकत्र काम केल्याचे प्रदर्शित झाल्यानंतर दोघांचे अफेअर असल्याच्या चर्चा रंगायच्या. तो काळ म्हणजे ९० चा. याच काळात अनेक पुरुष आणि महिला कलाकारांच्या जोड्यांमुळे चित्रपट हिट ठरले. अशीच एक जोडी त्या काळात खूप गाजली. अभिनेता गोविंदा आणि अभिनेत्री नीलम कोठारी यांची. दोघांनेही काही मोजक्याच चित्रपट काम करून प्रेक्षकांच्या पसंतीची जोडी म्हणून लोकप्रियता मिळवली. दोघांच्या अफेअरच्या देखील बऱ्याच चर्चा त्यावेळी झाल्या. आता बऱ्याच वर्षांनी अभिनेत्री नीलम कोठारी हिने एका पॅाडकास्टमध्ये यावर भाष्य केले आहे. बॉलिवूड स्टार कलाकार गोविंदा गेल्या काही दिवसांपासून त्याच्या वैयक्तिक आयुष्यामुळे चर्चेत आहे. अलिकडेच गोविंदा आणि त्याची पत्नी सुनीता आहुजा घटस्फोट घेणार असल्याच्या बातम्या समोर आल्या होत्या. मात्र, त्यानंतर आता परिस्थिती स्थिरावली आहे. परंतु, काही दिवसांपूर्वी सुनीता आहुजाने गोविंदावर अनेक गंभीर आरोप केले होते, हे आरोप गोविंदाने फेटाळून लावले होते. सुनीता गोविंदाच्या अफेअरबद्दल वारंवार बोलली आहे. याच दरम्यान अभिनेत्री नीलम कोठारी हिने अफेरच्या चर्चांवर भाष्य केले आहे. ९० च्या दशकात गोविंदा आणि नीलम या जोडीने अनेक हिट चित्रपट इंडस्ट्रीला दिले. नीलम कोठारी हिने एका पॉडकास्टमध्ये या अफवेला उघडपणे उत्तर दिले आहे. तिने स्पष्टपणे सांगितले की तिचे गोविंदासोबत अफेअर नव्हते. “अरे देवा, हे कोण म्हणत आहे? गोविंदा जी खूप छान व्यक्ती आहेत, पण हे पूर्णपणे खरे नाही. आम्ही एकत्र अनेक हिट चित्रपटात काम केले आहे, पण आमच्यात काहीही नव्हते. माफ करा, हे खरे नाही.” असे नीलम कोठारी म्हणाली आहे. पुढे बोलताना नीलम म्हणाली, त्या वेळी लिंक-अपचा खेळ प्रचलित होता. जर दोन कलाकारांनी एकत्र दोन किंवा तीन चित्रपट केले तर असे गृहीत धरले जात असे की त्यांचे प्रेमसंबंध आहेत. हेही वाचा : Actress Tabu : तब्बूने दिला बालपणीच्या आठवणींना उजाळा; सांगितली ‘ती’ कडू आठवण म्हणाली “आई वडीलांनी घटस्फोट घेत…”
