टी-20 विश्वचषक जिंकल्यानंतर भारतीय संघ अखेर भारतात पोहोचला आहे. भारतीय क्रिकेट नियामक मंडळाने (बीसीसीआय) विश्वविजेत्या संघासाठी विशेष विमानाची व्यवस्था केली होती, जेणेकरून रोहित शर्माचे सैन्य आणि प्रसारमाध्यमांनी मायदेशी परतता यावे. भारतीय क्रिकेट संघाचे खेळाडू आणि सपोर्ट स्टाफ गुरुवारी पहाटे 6 वाजता त्यांच्या देशात परतले. टीम इंडियाच्या खेळाडूंशिवाय सपोर्ट स्टाफला बार्बाडोसहून चार्टर फ्लाइटने दिल्लीत आणण्यात आले.

वास्तविक, भारतीय संघ सोमवारीच बार्बाडोसहून न्यूयॉर्कला जाणार होता, परंतु खराब हवामानामुळे तो बार्बाडोसमध्येच अडकून पडला होता. यानंतर गुरुवारी सकाळी 6 वाजता भारतीय खेळाडू आणि सपोर्ट स्टाफला घेऊन चार्टर फ्लाइट नवी दिल्लीतील इंदिरा गांधी आंतरराष्ट्रीय विमानतळावर पोहोचले. इंदिरा गांधी आंतरराष्ट्रीय विमानतळावर भारतीय खेळाडू आणि सपोर्ट स्टाफचे भव्य स्वागत करण्यात आले. यावेळी चाहत्यांची मोठी गर्दी पाहायला मिळाली.

Jubilation in the air 🥳

The #T20WorldCup Champions have arrived in New Delhi! 🛬

Presenting raw emotions of Captain @ImRo45 -led #TeamIndia‘s arrival filled with celebrations 👏👏 pic.twitter.com/EYrpJehjzj

— BCCI (@BCCI) July 4, 2024

इंदिरा गांधी आंतरराष्ट्रीय विमानतळावरून भारतीय खेळाडू थेट आयटीसी हॉटेल मौर्या येथे पोहोचले. तिथेही त्यांचे भव्य स्वागत करण्यात आले. यादरम्यान रोहित शर्मा आणि विराट कोहलीने आयटीसी मौर्या हॉटेलने तयार केलेला खास केक कापला.

#WATCH | Virat Kohli cuts a cake at ITC Maurya in Delhi to celebrate the ICC T20 World Cup victory. pic.twitter.com/frjDSZNswB

— ANI (@ANI) July 4, 2024

हॉटेल मौर्या येथे भारतीय खेळाडूंच्या नाश्त्याची सर्व व्यवस्था करण्यात आली होती. टीम इंडियाला हॉटेलमध्ये नाश्त्यासाठी छोले-भटूरे आणि लस्सी मिळाली. अशाप्रकारे भारतीय संघाने आयटीसी हॉटेल मौर्या येथे नाश्ता केला.

हॉटेलमध्ये काही वेळ विश्रांती घेतल्यानंतर ते पंतप्रधान नरेंद्र मोदी यांची भेट घेण्यासाठी पंतप्रधान निवासस्थानी पोहोचले. पंतप्रधानांच्या निवासस्थानी दाखल होत पंतप्रधान नरेंद्र मोदी यांची भेट घेतली. जवळपास एक ते दीड तास पंतप्रधान मोदी यांनी भारतीय खेळाडू आणि सपोर्ट स्टाफशी संबंधित लोकांशी संवाद साधला.

A memorable occasion as #TeamIndia got the opportunity to meet the Honourable Prime Minister of India, Shri Narendra Modiji in Delhi 🙌@narendramodi | @JayShah pic.twitter.com/eqJ7iv9yVw

— BCCI (@BCCI) July 4, 2024

यादरम्यान पंतप्रधानांनी खेळाडूंची तसेच त्यांच्या कुटुंबीयांची भेट घेतली. भारतीय कर्णधार रोहित शर्मा आणि मुख्य प्रशिक्षक राहुल द्रविड यांनी पंतप्रधानांच्या हाती T20 विश्वचषक विजेतेपदाची ट्राफी सुपूर्द केली.

तसेच बीसीसीआयचे अध्यक्ष रॉजर बिन्नी आणि सचिव जय शाह यांनी टीम इंडियाची जर्सी पंतप्रधान नरेंद्र मोदींना दिली. या जर्सीचा क्रमांक 1 होता आणि त्यावर नमो असे लिहिले होते. याबाबत भारतीय क्रिकेट नियामक मंडळाने सोशल मीडियावर पंतप्रधान मोदींचे आभार मानणारी पोस्ट शेअर केली आहे.

वास्तविक, पीएम मोदींच्या एक्स हँडलवर भारतीय संघाच्या भेटीदरम्यानचे दोन फोटो शेअर करण्यात आले आहेत. पंतप्रधानांनी टीम इंडियासाठी लिहिले आहे की, “चॅम्पियन्ससोबत छान भेट झाली.” 7, लोककल्याण मार्ग येथे विश्वचषक विजेत्या संघाचे स्वागत करण्यात आले. यादरम्यान संस्मरणीय गोष्टी घडल्या.”

An excellent meeting with our Champions!

Hosted the World Cup winning team at 7, LKM and had a memorable conversation on their experiences through the tournament. pic.twitter.com/roqhyQRTnn

— Narendra Modi (@narendramodi) July 4, 2024

टीम इंडियाच्या खेळाडूंना भेटल्यानंतर पंतप्रधान मोदींनी त्यांच्या कुटुंबीयांचीही भेट घेतली. याबाबतचे अनेक फोटो सोशल मीडियावर शेअर करण्यात आले आहेत.

जवळपास मोदींनी जवळपास दीड तास संवाद साधल्यानंतर भारतीय संघ मुंबईकडे रवाना झाला. आता भारतीय संघ मुंबईत पोहचल्यानंतर नरिमन पॉईंट्स येथून संध्याकाळी 5 वाजता विजयाची परेड सुरू होईल.