T20 World Cup 2024 (IND vs PAK  Match) : टी-20 विश्वचषक 2024 च्या 19 व्या सामन्यात भारतीय संघाने पाकिस्तानचा 6 धावांनी पराभव केला. भारताचा हा ऐतिहासिक विजय होता. रोहित शर्माच्या नेतृत्वाखाली टीम इंडियाने प्रथम फलंदाजी करताना 19 षटकांत अवघ्या 119 धावा केल्या होत्या. मात्र एवढ्या कमी धावसंख्येनंतरही टीम इंडियाने विजयाची नोंद केली. या विजयासह भारतीय संघाने विश्वविक्रम केला. वास्तविक, टीम इंडियाने आंतरराष्ट्रीय टी-20 मध्ये सर्वात कमी धावसंख्येचा बचाव केला.

याआधी टी-20 मध्ये सर्वात कमी धावसंख्येचा बचाव करण्याचा टीम इंडियाचा विक्रम झिम्बाब्वेविरुद्ध होता. 2016 मध्ये भारतीय संघाने झिम्बाब्वेला 139 धावांचे लक्ष्य देऊन विजय मिळवला होता. पण आता हा विक्रम पाकिस्तानविरुद्ध नोंदवला गेला, जिथे 2024 च्या टी-20 विश्वचषकात टीम इंडियाने पाकिस्तानला केवळ 120 धावांचे लक्ष्य देऊन विजय मिळवला.

आंतरराष्ट्रीय टी-20 मध्ये भारताचा सर्वात कमी धावसंख्येचा यशस्वीपणे बचाव…

120 धावा- वि. पाकिस्तान, न्यूयॉर्क, 2024
139 धावा- वि. झिम्बाब्वे, हरारे, 2016
145 धावा- वि. इंग्लंड, नागपूर, 2017
147 धावा- वि. बांगलादेश, बेंगळुरू, 2016.

टी-20 विश्वचषकातील सर्वात कमी धावसंख्येचा यशस्वीपणे बचाव …

120 धावा- श्रीलंका विरुद्ध न्यूझीलंड, चट्टोग्राम, 2014
120 धावा- भारत विरुद्ध पाकिस्तान, न्यूयॉर्क, 2024
124 धावा- अफगाणिस्तान विरुद्ध वेस्ट इंडिज, नागपूर, 2016
127 धावा- न्यूझीलंड विरुद्ध भारत, नागपूर, 2016
129 धावा- दक्षिण आफ्रिका विरुद्ध न्यूझीलंड, लॉर्ड्स, 2009

पाकिस्तानविरुद्ध सर्वात कमी धावसंख्येचा यशस्वीपणे बचाव…

झिम्बाब्वेने 119 धावसंख्येचा केला बचाव, हरारे 2021
भारताने 120 धावसंख्येचा केला बचाव, न्यूयॉर्क 2024
ऑस्ट्रेलियाने 128 धावसंख्येचा केला बचाव, मेलबर्न 2010
इंग्लंडने 130 धावसंख्येचा केला बचाव, अबुधाबी 2012
झिम्बाब्वेने 131 धावसंख्येचा केला बचाव, पर्थ 2022

T20 World Cup 2024 : बुमराह ठरला गेमचेंजर..! थरारक सामन्यात टीम इंडियाचा पाकवर 6 धावांनी विजय…

भारतीय गोलंदाजांची उत्कृष्ट कामगिरी…

पाकिस्तानविरुद्धच्या सामन्यात भारतीय वेगवान गोलंदाजांनी आश्चर्यकारक कामगिरी केली. एकूण 120 धावांचा बचाव करताना जसप्रीत बुमराहने भारताकडून सर्वाधिक 3 बळी घेतले. यादरम्यान त्याने 4 षटकात केवळ 14 धावा दिल्या. याशिवाय हार्दिक पांड्याने 2 बळी घेतले. उर्वरित 1 यश अर्शदीप सिंग आणि अक्षर पटेल यांना मिळाले. हार्दिकने 4 षटकात 24 धावा दिल्या. अर्शदीपने 4 षटकांत 31 आणि अक्षरने 2 षटकांत 11 धावा दिल्या.