Sushma Andhare on Eknath Shinde । राज्यातील नाशिक शिक्षक मतदारसंघाच्या निवडणुकीसाठी येत्या 26 जुन रोजी मतदान होणार आहे. प्रचाराच्या अंतिम टप्यात सर्वच पक्षाने जोमाने तयारी सुरु केल्याचे दिसून येत आहे. त्यातच शनिवारी मुख्यमंत्री एकनाथ शिंदे यांनी शिवसेना शिंदे गटाचे उमेदवार किशोर दराडे  यांच्यासाठी नाशिक, जळगाव, अहमदनगरमध्ये बैठका घेतल्या. मात्र जळगाव येथील मुख्यमंत्र्यांच्या सभेनंतर शिक्षकांना पैसे वाटप केल्याचा गंभीर आरोप ठाकरे गटाच्या नेत्या सुषमा अंधारे  यांनी केला आहे.यासाठी त्यांनी सोशल मीडियावर एक पोस्ट शेअर केली आहे.

सभेनंतर जिल्ह्यातील शिक्षकांना पैसे वाटप Sushma Andhare on Eknath Shinde । 

सुषमा अंधारे यांनी सोशल मिडियावर माध्यमावर व्हिडिओ शेअर केला आहे. यात त्यांनी मुख्यमंत्री एकनाथ शिंदे यांच्यावर निशाणा साधला आहे. पोस्टमध्ये त्यांनी, महायुतीचे उमेदवार दराडे यांच्या प्रचारार्थ मुख्यमंत्री एकनाथ शिंदे यांची जळगावातील आदित्य लॉन्स येथे सभा झाली. सभेनंतर जिल्ह्यातील आलेले प्रत्येक शाळेचे शिक्षक, कर्मचारी, मुख्याध्यापक, संस्थाचालक यांना पैसे वाटप करण्यात आले. कुठे आहे निवडणूक आयोग?, असा आरोप त्यांनी केला आहे.

 आयोगाकडे तक्रार करणार Sushma Andhare on Eknath Shinde ।
याबाबत सुषमा अंधारे यांनी एका वृत्तवाहिनीशी बोलताना, “जळगावात दराडे यांच्या प्रचारार्थ मुख्यमंत्री एकनाथ शिंदे यांची सभा झाली. ही सभा झाल्यानंतर सभेला उपस्थित असलेले शिक्षक शिक्षकेतर कर्मचारी यांना पैसे वाटत असतानाचा व्हिडिओ मी पोस्ट केलेला आहे. सकाळपासून शिंदे गटाचे नेते सांगत आहेत की, असे काही घडले नाही. सभेला उपस्थित असणाऱ्या अपक्ष उमेदवारांनी हे व्हिडिओ काढले आहेत. याबाबत आणखी व्हिडिओ आहेत आणि मी याची रीतसर निवडणूक आयोगात तक्रार करणार आहे.” असे म्हटले आहे.

शिंदे गटाकडून आरोप फेटाळले
दरम्यान, सुषमा अंधारे यांच्या आरोपाला ठाकरे गटाचे खासदार संजय राऊत यांनी देखील दुजोरा दिला आहे. निवडणूक आयोग उघड्या डोळ्यांनी व्यभिचार पाहत आहे. निवडणूक आयोग धृतराष्ट्राप्रमाणे वागत असल्याचा हल्लाबोल त्यांनी केला आहे. तर दुसरीकडे एकनाथ शिंदेंच्या शिवसेनेने सुषमा अंधारे यांचे आरोप फेटाळले आहेत.

हेही वाचा
‘मोदींकडून घर-शौचालय-रस्ता-नोकरी मिळाली, पण बांगलादेशी वंशाच्या अल्पसंख्याक समुदायाने काँग्रेसला मत दिलं’ आसामचे मुख्यमंत्री सरमा यांची टीका