supriya sule on Namo Maharojgar।  बारामतीत सरकारतर्फे ‘नमो महारोजगार मेळावा’ आयोजित करण्यात आलाय. आज आणि उद्या होणाऱ्या या मेळाव्यासाठी स्थानिक खासदार सुप्रिया सुळे आणि बारामतीचे ज्येष्ठ नेते शरद पवार यांना निमंत्रण मिळाले नसल्याचे सांगण्यात येतंय. त्यानंतर खासदार सुप्रिया सुळे यांना त्यांच्या पुणे कार्यालयात सदर निमंत्रण पत्रिका पाठविण्यात आली. मात्र शरद पवार यांना अजूनही निमंत्रण दिले नाही, दरम्यान, बारामतीत कोणताही शासकीय कार्यक्रम असला तरी शरद पवारांना निमत्रंण देण्यात येते मात्र पहिल्यांदाच त्यांना एखाद्या शासकीय कार्यक्रमातून वगळण्यात आल्याचे चर्चांना उधाण आलंय.

शेवटी अतिथी देवो.. supriya sule on Namo Maharojgar।
शरद पवार ज्या विद्या प्रतिष्ठान संस्थेचे अध्यक्ष आहेत, त्याच संस्थेच्या मैदानात सदर मेळावा संपन्न होणार आहे. संस्थेचे अध्यक्ष म्हणूनही शरद पवार यांना निमंत्रण दिलेले नाही, अशी माहिती आमदार रोहित पवार यांनी दिली. तर निमंत्रण मिळण्यापूर्वी सुप्रिया सुळे म्हणाल्या होत्या, “मला निमंत्रण मिळाले नाही तरी मी मुख्यमंत्री एकनाथ शिंदे आणि राज्याच्या दोन्ही उपमुख्यमंत्र्यांचं स्वागत करायला उपस्थित राहणार, …”

खासदार वंदना चव्हाण,पण पवारांना वगळलं supriya sule on Namo Maharojgar।
विशेष म्हणजे निमंत्रण पत्रिकेवर राज्यसभेच्या खासदार वंदना चव्हाण यांचे नाव समाविष्ट करण्यात आले आहे. पण बारामतीचे असलेले आणि राज्यसभेचे खासदार शरद पवार यांचा नामोल्लेख टाळला गेलाय. “२०१५ च्या शासन निर्णयानुसार केंद्र आणि राज्य सरकारच्या निधीतून होणाऱ्या शासकीय कार्यक्रमांसाठी स्थानिक आमदार, खासदार (दोन्ही सभागृह) यांना निमंत्रित केले जावे, असा नियम करण्यात आला आहे. तरीही या शासन निर्णयाची अंमलबजावणी झालेली नाही. तसेच राजशिष्टाचाराचा कोणताही नियम या कार्यक्रमासाठी पाळला गेला नाही”, अशी टीका सुप्रिया सुळेंनी केली.

पुढे सुप्रिया सुळे पुढे म्हणाल्या की, शरद पवार यांनी स्थापन केलेल्या आणि आजही तेच अध्यक्ष असेलल्या विद्या प्रतिष्ठान या संस्थेत हा कार्यक्रम होत आहे, याचा मला मनापासून आनंद वाटतो. पण शरद पवार यांना कार्यक्रमाचे निमंत्रण का दिले नाही? याचे उत्तर सरकारच देऊ शकते.” असे त्यांनी म्हटले.