Supriya Sule on Arvind Kejriwal । झारखंडचे मुख्यमंत्री चंपाई सोरेन यांनी बुधवारी आपल्या पदाचा राजीनामा दिला. यानंतर जेएमएम नेते हेमंत सोरेन यांनी राज्यपाल सीपी राधाकृष्णन यांची भेट घेऊन सरकार स्थापनेचा दावा केला. तत्पूर्वी, सत्ताधारी आघाडीच्या नेत्यांची आणि आमदारांची चंपाई सोरेन यांच्या निवासस्थानी बैठक झाली, ज्यामध्ये हेमंत सोरेन यांची झारखंड मुक्ती मोर्चा (जेएमएम) विधिमंडळ पक्षाच्या नेतेपदी एकमताने निवड करण्यात आली. दरम्यान, राष्ट्रवादीच्या (एसपी) खासदार सुप्रिया सुळे यांचे एक महत्त्वाचे विधान समोर आले असून, त्यामध्ये त्यांनी अरविंद केजरीवाल यांच्यावरही भाष्य केले आहे.

या देशातील मुख्यमंत्री तुरुंगात आहेत का? Supriya Sule on Arvind Kejriwal ।

राष्ट्रवादी काँग्रेस-शरदचंद्र पवार पक्षाच्या खासदार सुप्रिया सुळे म्हणाल्या, “सत्यमेव जयते, हेमंत सोरेन आता तुरुंगातून बाहेर आले आहेत याचा मला खूप आनंद झाला आहे. आम्ही त्यांच्या शपथविधीची वाट पाहत आहोत . त्यासोबतच आम्ही अरविंद केजरीवाल यांचीही वाट पाहत आहोत.” या देशातील मुख्यमंत्री तुरुंगात आहेत का?

#WATCH | NCP-SCP leader & Lok Sabha MP Supriya Sule says, “I am really happy that Hemant Soren is out of jail. Now, we are waiting for his oath and also waiting for Arvind Kejriwal to come out. Two CMs in this country are jailed for what with no data, misuse of power. It’s really… pic.twitter.com/OiykZlDit6

— ANI (@ANI) July 4, 2024

तुम्हाला मानसिक शांती कशी मिळेल? Supriya Sule on Arvind Kejriwal ।
मणिपूरच्या मुद्द्यावर सुळे म्हणाल्या, “100% शांतता येईपर्यंत आपण समाधानी नाही… महिला रडत आहेत, मुले उद्ध्वस्त आहेत, कुटुंबे त्रस्त आहेत. तुम्हाला मानसिक शांती कशी मिळेल? असा सवाल देखील यावेळी सुप्रिया सुळे यांनी उपस्थित केला.

दरम्यान, दिल्लीचे मुख्यमंत्री अरविंद केजरीवाल हे सध्या दिल्लीतील मद्य धोरण घोटाळ्याशी संबंधित प्रकरणात तुरुंगात आहेत. त्यांच्यावर या प्रकरणाविषयी गंभीर आरोप करण्यात आले आहेत.

हेही वाचा
“देशाचा पंतप्रधान सर्वात मोठा बुवा, गुहेत जाऊन तपश्चर्या करतात”; संजय राऊतांची मोदींवर टीका