Rajinikanth movie : दाक्षिणात्य चित्रपटसृष्टीतील सुपरस्टार रजनीकांत यांचा प्रेरणादायी जीवनप्रवास आता रुपेरी पडद्यावर पाहायला मिळण्याची शक्यता आहे. माध्यमांमध्ये सुरू असलेल्या चर्चेनुसार, त्यांच्या जीवनावर आधारित एका चित्रपटाची तयारी केले जात असून या प्रकल्पाबाबत लवकरच अधिकृत घोषणा होण्याची शक्यता वर्तवली जात आहे.

रजनीकांत यांचा मनोरंजनविश्वात येण्याआधीचा प्रवास हा संघर्ष, मेहनत आणि जिद्दीचे प्रतीक मानला जातो. चित्रपटसृष्टीत येण्यापूर्वी त्यांनी बंगळुरू ट्रान्सपोर्ट सर्व्हिस (BTS) मध्ये बस कंडक्टर म्हणून काम केले होते. सामान्य कुटुंबातून आलेल्या रजनीकांत यांनी अनेक अडचणींचा सामना करत अभिनय क्षेत्रात पाऊल ठेवले आणि पुढे भारतीय चित्रपटसृष्टीतील सर्वात मोठ्या सुपरस्टारपैकी एक बनले.

रिपोर्ट्सनुसार, रजनीकांत बऱ्याच काळापासून त्यांच्या जीवनावर पुस्तकाबाबत काम करत आहेत. या पुस्तकावर आधारित चित्रपटात त्यांच्या आयुष्यातील अनेक महत्त्वाचे टप्पे उलगडले जाणार आहेत. बस कंडक्टर म्हणून केलेला संघर्ष, अभिनय क्षेत्रात मिळवलेले यश आणि कॉलीवूडमध्ये सुपरस्टार बनण्यापर्यंतचा प्रवास. त्यांचा हाच प्रवास रुपेरी पडद्यावर आगामी चित्रपटाद्वारे पाहायला मिळणार असल्याचे बोलले जात आहे.

जेलर २ लवकरच येणार भेटीला 

माध्यमांच्या माहितीनुसार, या प्रकल्पाबाबत रजनीकांत यांनी आपल्या जवळच्या सहकाऱ्यांशीही चर्चा केली आहे. मात्र, अद्याप निर्माते किंवा अभिनेत्याकडून कोणतीही अधिकृत घोषणा करण्यात आलेली नाही. दरम्यान, रजनीकांत यांच्या आगामी चित्रपटाबद्दल बोलायचे झाल्यास, ते लवकरच ‘जेलर २’मध्ये झळकणार आहेत. नेल्सन दिलीपकुमार दिग्दर्शित हा बहुप्रतिक्षित चित्रपट १५ ऑक्टोबर रोजी जगभरातील चित्रपटगृहांमध्ये प्रदर्शित होणार आहे. हा चित्रपट पाहण्यासाठी त्यांचे लाखो चाहते उत्सुक आहेत.

Donald Trump: इराणची भीती की आणखी काही ? ; तुर्कस्तान दौऱ्यावर असताना ट्रम्प यांच्या विमानाने मार्ग बदलला